Наведванне адраджаемых тэрыторый Азербайджана

У рамках дзяржаўнага візіту ў Азербайджан Прэзідэнт Беларусі Аляксандр Лукашэнка сумесна з Прэзідэнтам Азербайджана Ільхамам Аліевым 17 мая наведалі адраджаемыя тэрыторыі рэспублікі.

Раніцай Аляксандр Лукашэнка прыляцеў у Фізулі. У аэрапорце ля трапа самалёта яго сустрэў Ільхам Аліеў. Прэзідэнт Азербайджана коратка расказаў беларускаму калегу аб праводзімых работах па аднаўленні і развіцці гэтых тэрыторый, будаўніцтве новых інфраструктурных аб'ектаў. Аляксандр Лукашэнка азнаёміўся з новым аэрапортам, і кіраўнікі дзяржаў у суправаджэнні вялікага картэжа накіраваліся ў горад.

У час паездкі Аляксандр Лукашэнка і Ільхам Аліеў агледзелі тэрыторыі горада, разбураныя аб'екты і перспектыўныя раёны для забудовы. Па маршруце прэзідэнты паехалі ў адной машыне, прычым за рулём быў азербайджанскі лідар.

Аляксандр Лукашэнка азнаёміўся з экспазіцыямі, якія адлюстроўваюць дынаміку аднаўлення разбураных аб'ектаў, пасля чаго абодва лідары накіраваліся ў горад Шуша, дзе таксама праводзяцца аднаўленчыя работы, будуецца жыллё для вяртання азербайджанскіх бежанцаў.

"Не было б шчасця, ды няшчасце дапамагло. Зусім новае жыццё будзе. Вядома, няшчасце дорага абышлося", - адзначыў беларускі лідар.

Кіраўнікі дзяржаў наведалі жылы масіў горада, азнаёміўшыся з жыллёвымі ўмовамі, памятныя мясціны і музейна-выставачную экспазіцыю аб дзейнасці Гейдара Аліева. Аляксандр Лукашэнка і Ільхам Аліеў таксама агледзелі трактарную тэхніку, падораную гораду Прэзідэнтам Беларусі.

"Карыстайся. Спадабаецца - дабавім яшчэ", - сказаў Кіраўнік беларускай дзяржавы.

Вядома, у горадзе шмат што нагадвае аб трагічным мінулым: некаторыя дамы ўжо не аднавіць, а памятныя мясціны і храмы разбураны.

"Разваліны гаворачыя... - заўважыў Аляксандр Лукашэнка. - Але дзе можна аднавіць будынкі, трэба аднаўляць".

У горадзе прэзідэнты сустрэлі знакамітага савецкага і азербайджанскага спевака, а цяпер пасла Азербайджана ў Расіі Палада Бюльбюль аглы, чаму Аляксандр Лукашэнка быў вельмі здзіўлены.

"Палад, ты тут? А то бачу: усё ў Маскве і Маскве", - сказаў Прэзідэнт Беларусі.

"Гэта сюрпрыз табе!" - заявіў Ільхам Аліеў.

"Шыкоўнае месца. Вось чаму ты спяваеш да гэтага часу прыгожа. Паветра якое тут! Нядаўна гляджу перадачу - ён спявае!"  - прыйшоў у захапленне Аляксандр Лукашэнка.

У Шушы аднавілі дом, дзе пражываў бацька Палада Бюльбюль аглы, савецкі і азербайджанскі оперны спявак, заснавальнік нацыянальнага музычнага тэатра Муртуза Мешадзі Рза аглы Мамедаў, які атрымаў мянушку Бюль-Бюль (у перакладзе з азербайджанскай "салавей").

Цяпер на гэтым месцы музей, прысвечаны вядомаму выканаўцу. Побач можна ўбачыць бюст Бюль-Бюля. Ён быў устаноўлены яшчэ ў савецкія гады, а пасля - расстраляны і дэманціраваны. Да 2021 года бюст захоўваўся ў палацы Азербайджанскага музея мастацтваў, а потым яго вярнулі ў Шушу.

"Хто страляе ў іконы і помнікі, гэта варвары", - заявіў беларускі лідар.