Кіраўніцтва Адміністрацыі Прэзідэнта Рэспублікі Беларусь

Кіраўнік Адміністрацыі Прэзідэнта Рэспублікі Беларусь.

Нарадзіўся ў 1963 годзе ў в.Сталіца Шаркаўшчынскага раёна Віцебскай вобласці.

У 1984 годзе скончыў Беларускі дзяржаўны ўніверсітэт імя У.І.Леніна.

У 2006 годзе скончыў Акадэмію кіравання пры Прэзідэнце Рэспублікі Беларусь.

У 1984-1986 гадах праходзіў службу ва Узброеных Сілах.

З 1986 па 1988 год - загадчык вучэбна-метадычнага кабінета кафедры гісторыі КПСС і палітэканоміі Віцебскага дзяржаўнага медыцынскага інстытута.

У 1988-1989 гадах - курсант Вышэйшых курсаў Камітэта дзяржаўнай бяспекі СССР.

У 1989-2010 гадах служыў на розных пасадах у органах Камітэта дзяржаўнай бяспекі Беларусі.

У 2010 годзе назначаны начальнікам упраўлення КДБ па Магілёўскай вобласці, а ў 2013 годзе - Першым намеснікам Старшыні КДБ Беларусі па контрразведвальнай дзейнасці.

У 2014-2019 гадах - Першы намеснік Старшыні КДБ Беларусі.

Cа снежня 2019 года - Кіраўнік Адміністрацыі Прэзідэнта Рэспублікі Беларусь.

Першы намеснік Кіраўніка Адміністрацыі Прэзідэнта Рэспублікі Беларусь.

Нарадзіўся ў 1972 годзе ў г.Мінску.

У 1994 годзе скончыў Беларускі дзяржаўны ўніверсітэт (юрыдычны факультэт, спецыяльнасць "міжнароднае права").

У 2003 годзе скончыў Акадэмію кіравання пры Прэзідэнце Рэспублікі Беларусь ("дзяржаўнае і мясцовае кіраванне").

У 1994-1996 гадах - супрацоўнік Цэнтральнага апарату Міністэрства замежных спраў Рэспублікі Беларусь.

У 1996-2000 гадах - супрацоўнік Пасольства Рэспублікі Беларусь у Дзяржаве Ізраіль.

У 2000-2003 гадах - начальнік аддзела АБСЕ і Савета Еўропы Міністэрства замежных спраў Рэспублікі Беларусь.

У 2003-2005 гадах - саветнік-пасланнік Пасольства Рэспублікі Беларусь у Рэспубліцы Польшча.

У 2005-2006 гадах - начальнік упраўлення Амерыкі Міністэрства замежных спраў Рэспублікі Беларусь.

У 2006-2012 гадах - начальнік упраўлення знешняй палітыкі Адміністрацыі Прэзідэнта Рэспублікі Беларусь.

У 2012-2014 гадах - памочнік Прэзідэнта Рэспублікі Беларусь па пытаннях фізкультуры, спорту і развіцця турызму.

У 2015-2017 гадах - першы віцэ-прэзідэнт НАК Беларусі.

Са снежня 2016 года - Першы намеснік Кіраўніка Адміністрацыі Прэзідэнта Рэспублікі Беларусь.

Намеснік Кіраўніка Адміністрацыі Прэзідэнта Рэспублікі Беларусь.

Нарадзілася ў 1969 годзе ў г.Мінску.

У 1992 годзе скончыла Беларускі дзяржаўны ўніверсітэт па спецыяльнасці "правазнаўства". Доктар юрыдычных навук, прафесар.

У 1992 годзе - дзяржаўны натарыус дзяржаўнай натарыяльнай канторы Маскоўскага раёна г.Мінска ўпраўлення юстыцыі выканкама Мінскага гарадскога Савета народных дэпутатаў.

У 1992-1997 гадах - аспірант Беларускага дзяржаўнага ўніверсітэта.

У 1997-2004 гадах - выкладчык, старшы выкладчык, дацэнт кафедры канстытуцыйнага права юрыдычнага факультэта Беларускага дзяржаўнага ўніверсітэта.

У 2004-2005 гадах - намеснік дырэктара па вучэбнай рабоце Юрыдычнага каледжа Беларускага дзяржаўнага ўніверсітэта.

У 2005-2010 гадах - дацэнт кафедры канстытуцыйнага права юрыдычнага факультэта Беларускага дзяржаўнага ўніверсітэта.

У 2010-2015 гадах - намеснік дэкана юрыдычнага факультэта Беларускага дзяржаўнага ўніверсітэта.

У 2015-2018 гадах - загадчык кафедры дзяржаўнага кіравання Беларускага дзяржаўнага ўніверсітэта.

У 2018-2019 гадах - прарэктар па вучэбнай рабоце і адукацыйных інавацыях Беларускага дзяржаўнага ўніверсітэта.

Са снежня 2019 года - Намеснік Кіраўніка Адміністрацыі Прэзідэнта Рэспублікі Беларусь.

Намеснік Кіраўніка Адміністрацыі Прэзідэнта Рэспублікі Беларусь.

Нарадзіўся ў 1977 годзе ў Лепелі Віцебскай вобласці.

Скончыў Акадэмію кіравання пры Прэзідэнце Рэспублікі Беларусь па спецыяльнасцях дзяржаўнае і муніцыпальнае кіраванне, а таксама міжнародныя адносіны.

Пачынаў працоўную дзейнасць у 1999 годзе, працуючы дзяржаўным падатковым інспектарам па Фрунзенскім раёне г.Мінска. Затым перайшоў ва ўпраўленне эканамічнага аналізу Дзяржаўнага падатковага камітэта Беларусі, дзе ў службовай дзейнасці дайшоў да пасады галоўнага дзяржаўнага падатковага інспектара.

З 2002 па 2020 год працаваў на розных пасадах у Міністэрстве фінансаў, дзе рухаўся па кар'ернай лесвіцы з пасады кансультанта ўпраўлення аналізу і планавання даходаў бюджэту Дэпартамента падатковай палітыкі і даходаў бюджэту да кіраўніка галоўнага ўпраўлення бюджэтнай палітыкі Мінфіна, Намесніка Міністра, Першага намесніка Міністра, а з 2018 года - Міністра фінансаў.

У 2020 годзе назначаны Надзвычайным і Паўнамоцным Паслом Беларусі ў Злучаным Каралеўстве Вялікабрытаніі і Паўночнай Ірландыі і па сумяшчальніцтве ў Ірландыі, Пастаянным прадстаўніком Беларусі пры Міжнароднай марской арганізацыі па сумяшчальніцтве.

Са жніўня 2022 года - Намеснік Кіраўніка Адміністрацыі Прэзідэнта Рэспублікі Беларусь.

Намеснік Кіраўніка Адміністрацыі Прэзідэнта Рэспублікі Беларусь.

Нарадзіўся ў 1972 годзе ў горадзе Століне Брэсцкай вобласці.

У 1994 годзе скончыў Беларускі дзяржаўны ўніверсітэт; у 2000-м - Акадэмію кіравання пры Прэзідэнце Рэспублікі Беларусь.

У 1995-2000 гадах - спецыяліст першай катэгорыі, вядучы спецыяліст, галоўны спецыяліст, начальнік аддзела праектавання і адміністрацыі баз даных Міністэрства па кіраванні дзяржаўнай маёмасцю і прыватызацыі Рэспублікі Беларусь.

У 2000-2002 гадах - саветнік-кансультант, намеснік загадчыка аддзела інфарматыкі і аргтэхнікі канцылярыі Прэзідэнта Рэспублікі Беларусь.

У 2002-2004 гадах - загадчык аддзела інфарматыкі і аргтэхнікі галоўнага ўпраўлення дакументацыйнага забеспячэння і інфармацыйных тэхналогій апарату Савета Федэрацыі прафсаюзаў Беларусі.

У 2004-2006 гадах - намеснік генеральнага дырэктара рэспубліканскага ўнітарнага прадпрыемства "Беларускае тэлеграфнае агенцтва".

У 2006-2008 гадах - дырэктар прыватнага ўнітарнага прадпрыемства "Новае радыё".

У 2008-2014 гадах - першы намеснік генеральнага дырэктара рэспубліканскага ўнітарнага прадпрыемства "Беларускае тэлеграфнае агенцтва".

У 2014-2018 гадах - Першы намеснік Міністра інфармацыі. У 2018-2020 гадах узначальваў ЗАТ "Сталічнае тэлебачанне". З чэрвеня 2020 года працаваў на пасадзе Міністра інфармацыі Беларусі.

З красавіка 2021 года - Намеснік Кіраўніка Адміністрацыі Прэзідэнта Рэспублікі Беларусь.