Прэс-служба Прэзідэнта Рэспублікі Беларусь

Прэс-служба Прэзідэнта Рэспублікі Беларусь:

  • забяспечвае ўзаемадзеянне Кіраўніка дзяржавы са сродкамі масавай інфармацыі;
  • займаецца арганізацыяй інфармацыйнага забеспячэння дзейнасці Прэзідэнта, а таксама мерапрыемстваў унутрыдзяржаўнага і міжнароднага характару з яго ўдзелам;
  • праводзіць работу з беларускімі і замежнымі СМІ ў мэтах поўнага і аб'ектыўнага асвятлення дзейнасці Прэзідэнта;
  • забяспечвае асвятленне ў СМІ дзяржаўнай унутранай і знешняй палітыкі, якая праводзіцца Прэзідэнтам Рэспублікі Беларусь;
  • удзельнічае ў перспектыўным і аператыўным планаванні мерапрыемстваў Кіраўніка дзяржавы;
  • прадастаўляе сродкам масавай інфармацыі звесткі аб дзейнасці Прэзідэнта і прававых актах, якія ім выдаюцца;
  • праводзіць штогадовую акрэдытацыю прадстаўнікоў СМІ пры прэс-службе;
  • фарміруе фота-, фона- і відэаархіў мерапрыемстваў з удзелам Кіраўніка дзяржавы.
Непасрэднае кіраўніцтва дзейнасцю прэс-службы ажыццяўляе прэс-сакратар Прэзідэнта. Яго асноўная задача – фарміраванне праз сродкі масавай інфармацыі грамадскай думкі аб дзейнасці Прэзідэнта Рэспублікі Беларусь; растлумачванне грамадскасці асноўных напрамкаў унутранай і знешняй палітыкі, якая праводзіцца Кіраўніком дзяржавы.

Прэс-сакратар Прэзідэнта Рэспублікі Беларусь – Эйсмант Наталля Мікалаеўна.

Прэс-сакратар Прэзідэнта Рэспублікі Беларусь:

  • ажыццяўляе інфармацыйнае забеспячэнне ўнутранай і знешняй палітыкі, якая праводзіцца Прэзідэнтам Рэспублікі Беларусь;
  • уносіць прапановы па рэагаванні Кіраўніка дзяржавы на найбольш важныя падзеі ўнутры краіны і за мяжой;
  • інфармуе кіруючых работнікаў дзяржорганаў аб ацэнках, крытычных заўвагах і прапановах, выказаных Прэзідэнтам і кіраўніцтвам Адміністрацыі Прэзідэнта;
  • ажыццяўляе кантроль за своечасовым і якасным выкананнем даручэнняў Прэзідэнта Рэспублікі Беларусь;
  • садзейнічае правядзенню розных мерапрыемстваў з удзелам Кіраўніка дзяржавы ў Беларусі і за мяжой у мэтах іх асвятлення ў СМІ;
  • каардынуе работу прэс-службаў дзяржаўных органаў, дзейнасць найбуйнейшых дзяржаўных СМІ, а таксама аддзела падрыхтоўкі выступленняў Адміністрацыі Прэзідэнта Рэспублікі Беларусь;
  • ажыццяўляе аператыўнае кіраўніцтва дзейнасцю "ДУ "Нацыянальны прэс-цэнтр Рэспублікі Беларусь".

 

Тэлефон прэс-службы: +375 17 222-35-03

Факс: +375 17 222-30-20

Адрас электроннай пошты для прадстаўнікоў СМІ: press@president.gov.by

Для атрымання акрэдытацыі:

  • беларускім журналістам неабходна мець пасведчанне журналіста і знаходзіцца ў штаце зарэгістраванага ў Дзяржаўным рэестры сродкаў масавай інфармацыі пры Міністэрстве інфармацыі Рэспублікі Беларусь СМІ;
  • замежным журналістам неабходна мець акрэдытацыю пры Міністэрстве замежных спраў Рэспублікі Беларусь (выключэнне складаюць СМІ, якія прыбываюць у складзе замежных дэлегацый).

Прэс-служба Прэзідэнта Рэспублікі Беларусь пакідае за сабой права адмовіць у акрэдытацыі. Журналісты, якія працуюць на мерапрыемстве, абавязаны няўхільна прытрымлівацца інструкцый супрацоўнікаў прэс-службы.

Адправіць электронную заяўку на акрэдытацыю.

Па пытаннях прадастаўлення іншых фота- і відэаматэрыялаў звяртацца па тэлефоне: +375 17 222-35-03 або адпраўляць заяўкі па электроннай пошце: press@president.gov.by.