Беларусь у лічбах

9 255 524 чалавекі склала насельніцтва Рэспублікі Беларусь на 1 студзеня 2022 года - 0,1% агульнай колькасці насельніцтва планеты.

У 2021 годзе 4 279,7 тыс. чалавек занята ў эканоміцы краіны.

31 беларуская сям’я, згодна з данымі Мінпрацы і сацабароны, выхоўвае 10 і больш непаўналетніх дзяцей, у самай вялікай - 13 дзяцей (даныя на 1 мая 2020 г.).

108,5 тыс. шматдзетных сем’яў, згодна з данымі Мінпрацы і сацабароны, налічвалася ў Беларусі на 1 мая 2020 г. (маюць траіх і больш дзяцей).

382 беларусы, згодна з данымі Мінпрацы і сацабароны, пераадолелі 100-гадовы ўзроставы рубеж.

3 009 устаноў агульнай сярэдняй адукацыі дзейнічаюць у Рэспубліцы Беларусь.

50 устаноў вышэйшай адукацыі (УВА) функцыянуе ў Рэспубліцы Беларусь.

Звыш 254 тыс. студэнтаў навучаюцца ва УВА Беларусі ў 2020/2021 навучальным годзе, 19 тыс. з якіх - іншаземцы.

10 тыс. доларавых мільянераў жывуць у Беларусі.

Другое месца па ўзроўні здабычы торфу займае Беларусь у Еўропе, уступаючы толькі Фінляндыі.

125 618 тыс. т складаюць прамысловыя запасы гіпсу Брынёўскага радовішча Петрыкаўскага раёна Гомельскай вобласці (паводле даных Міністэрства прыродных рэсурсаў і аховы навакольнага асяроддзя).

На 3 900 млн т ацэньваюцца прамысловыя запасы гаручых сланцаў на двух радовішчах (паводле даных Міністэрства прыродных рэсурсаў і аховы навакольнага асяроддзя) .

7,5 млрд т налічваюць разведаныя і пацверджаныя запасы калійных солей у Рэспубліцы Беларусь (паводле даных Міністэрства прыродных рэсурсаў і аховы навакольнага асяроддзя).

35,8 млн т складаюць запасы кварцавых пяскоў на двух прамысловых радовішчах (паводле даных Міністэрства прыродных рэсурсаў і аховы навакольнага асяроддзя).

909 млн т складаюць агульныя разведаныя запасы радовішчаў даламіту ў Рэспубліцы Беларусь (паводле даных Міністэрства прыродных рэсурсаў і аховы навакольнага асяроддзя).

Рэспубліка Беларусь у 2016 і 2018 гг. займала першае месца ў намінацыі "Агратурызм" рэйтынгу National Geographic Traveler Awards.

Беларусь - першая ў свеце краіна, якая легалізавала крыптавалюты. Адпаведны Дэкрэт Прэзідэнт Беларусі падпісаў 21 снежня 2017 г.

Беларусь займае 3 месца ў свеце па вытворчасці масла і 4 па вытворчасці сыру на душу насельніцтва

34 месца сярод 163 краін займае Беларусь у Індэксе дасягнення глабальных Мэт устойлівага развіцця (SDG Index), згодна са справаздачай Sustainable Development Report 2022

Беларусь займае 26 месца сярод 234 краін і аўтаномных тэрыторый па колькасці заключаных двухбаковых інвестыцыйных пагадненняў (паводле даных ЮНКТАД)

40 месца сярод 193 краін заняла Беларусь у рэйтынгу "Індэкс электроннага ўрада-2020" . Краіна зноў аказалася ў топ 40 краін з вельмі высокім узроўнем развіцця электроннага ўрада (Very-High-EGDI).

32 месца ў Беларусі сярод 189 краін па Індэксе ўзроўню адукацыі (у апошняй справаздачы Human Development Report 2020).

57 месца займае Беларусь у Глабальным індэксе ўстойлівай канкурэнтаздольнасці (Global Sustainable Competitiveness Index), 2021 г.

48 месца займае Беларусь у Індэксе эфектыўнасці намаганняў у сферы аховы клімату (Climate Change Performance Index (CCPI) - 2022).

55 месца займае Беларусь у Індэксе экалагічнай эфектыўнасці (The Environmental Performance Index), 2022 г.

61 месца належыць Беларусі ў Індэксе сацыяльнага развіцця, згодна са справаздачай Social Progress Index 2022.

49 месца сярод 190 краін займае Беларусь па лёгкасці вядзення бізнесу, згодна з даследаваннем Сусветнага банка Doing Business 2020.

60 месца са 191 краіны займае Беларусь у рэйтынгу па Індэксе чалавечага развіцця (Human Development Index), згодна са справаздачай Human Development Repot 2021/2022. 

Беларусь заняла 82-е месца сярод 180 краін па Індэксе ўспрымання карупцыі (Corruption Perceptions Index - 2021) міжнароднай няўрадавай арганізацыі Transparency International.

66 месца ў Беларусі сярод 167 краін у рэйтынгу Індэкса працвітання брытанскага аналітычнага цэнтра The Legatum Institute (The Legatum Prosperity Index 2021).

Суверэнны крэдытны рэйтынг Беларусі па абавязацельствах у замежнай валюце адпавядае ўзроўню В (прагноз стабільны) (Standard & Poor's и Fitch Ratings).

$49 257,4 млн склаў экспарт тавараў і паслуг Рэспублікі Беларусь у 2021 г. Суадносіны гэтага паказчыка і ВУП (экспартная квота) перавышаюць 70%.

Амаль $25 млрд Рэспубліка Беларусь паставіла малочнай прадукцыі на экспарт за 2010-2021 гг., па выніках 2021 г. - на $2,7 млрд. У 2020 годзе Рэспубліка Беларусь заняла 10 месца сярод усіх краін свету па экспарце малочнай прадукцыі.

336,4 тыс. т рапсавага алею Беларусь паставіла ў розныя краіны за 2021 г. Краіна займала 9 месца ў сусветным экспарце алею з рапсу ў 2020 годзе.

Беларусь займае 11 месца па вытворчасці бульбы ў свеце і лідзіруе па яе атрыманні на душу насельніцтва.

1 438,1 тыс. куб.м драўняна-стружкавых пліт Беларусь паставіла на знешнія рынкі ў 2021 годзе. У 2020 годзе краіна займала 12-е месца ў сусветным экспарце ДСП.

$96 435 тыс. склаў беларускі экспарт ільну, ільняной пражы і тканін з яго ў 2021 г. У 2020 годзе краіна ўваходзіла ў пяцёрку сусветных экспарцёраў ільну і льняных тканін.

У 172 краіны ў 2021 г. экспартаваліся беларускія тавары.

У 109 краін пастаўляліся ў 2021 г. беларуская сельгаспрадукцыя і прадукты харчавання.

$3,2 млрд склаў экспарт беларускіх камп’ютарных, тэлекамунікацыйных і інфармацыйных паслуг у 2021 годзе. Па экспарце гэтага віду паслуг на душу насельніцтва Беларусь апярэджвае такія краіны, як ЗША, Рэспубліка Карэя, Японія, Польшча, Кітай, Расія.

962 кампаніі з’яўляліся рэзідэнтамі Парка высокіх тэхналогій па стане на 1 студзеня 2021 г. Больш за 91% распрацаванага ў ПВТ праграмнага забеспячэння экспартуецца.

Амаль 1 млрд чалавек у 193 краінах выкарыстоўваюць  мабільныя дадаткі, распрацаваныя рэзідэнтамі Парка высокіх тэхналогій. Кампаніі з 67 краін свету з’яўляюцца  заказчыкамі ПВТ.

Больш як 120 млн чалавек з’яўляюцца ўдзельнікамі  камп’ютарнай гульні World of Tanks, якая ўвайшла ў топ-5 самых прыбытковых шматкарыстальніцкіх гульняў у свеце. З 2012 г. гульнявы анлайн-праект World of Tanks стаў дысцыплінай кіберспорту і з’яўляецца часткай праграмы World Cyber Games.

5 з 10 буйнейшых сусветных карпарацый (згодна з  рэйтынгам Forbes) з’яўляюцца заказчыкамі Парка высокіх тэхналогій.

6 кампаній-рэзідэнтаў ПВТ уваходзяць у рэйтынг 100 лепшых аўтсорсінгавых кампаній свету The Global Outsourcing 100 паводле версіі Міжнароднай асацыяцыі прафесіяналаў аўтсорсінгу. У топ-100 2018 г. увайшлі кампаніі з ПВТ: Bell Integrator, EPAM Systems, IBA Group, Itransition, Ciklum і Артэзіа.

10 беларускіх IТ-кампаній уключаны ў спіс Software 500 (рэйтынг буйнейшых сусветных пастаўшчыкоў ПЗ і паслуг).

ААТ "Беларуськалій" з’яўляецца адным з буйнейшых вытворцаў і экспарцёраў калійных угнаенняў у свеце. На яго долю прыпадае 1/6 частка сусветнага аб’ёму вытворчасці.

МТЗ-Холдынг уваходзіць у васьмёрку буйнейшых вытворцаў сельскагаспадарчай тэхнікі ў свеце. Прадпрыемствы холдынга распрацоўваюць і вырабляюць колавыя і гусенічныя трактары, мотаблокі, аказвае паслугі па наладжванні і правядзенні сэрвісу.

Беларускі экіпаж каманды "МАЗ-СПОРТаўта" пад кіраваннем Сяргея Вязовіча заваяваў 3 месца на завершаным у Саудаўскай Аравіі ралі-рэйдзе "Дакар-2020".

У 2019 г. Беларусь заняла 46 месца ў свеце сярод 152 краін па Індэксе прамысловай канкурэнтаздольнасці. Улічваюцца  індыкатары дабаўленай вартасці апрацоўчай прамысловасці і экспарту прамысловай прадукцыі, у тым ліку сярэдне- і высокатэхналагічных вытворчасцей.

256 відаў інавацыйнай прадукцыі выпускаецца на ААТ "БМЗ - кіруючая кампанія холдынга "БМК".

450 т - грузападымальнасць самага вялікага ў свеце кар’ернага самазвала БЕЛАЗ 75710, створанага ў Беларусі ў 2013 г. Устанавіў рэкорд Гінеса, калі правёз па выпрабавальным палігоне груз на 503,5 т.

74,4 года - чаканая працягласць жыцця ў Беларусі пры нараджэнні.

150 тыс. пацыентаў з больш як 100 краін свету, згодна з  данымі Міністэрства аховы здароўя, штогод прыязджаюць у Беларусь на лячэнне і аздараўленне.

За 10 гадоў у Беларусі праведзена 3144 трансплантацыі нырак, 699 трансплантацый печані, 377 трансплантацый сэрца, 22 трансплантацыі лёгкіх, 33 мультыорганныя трансплантацыі. Толькі ў 2019 г. выканана 528 трансплантацый органаў (56,1 на 1 млн насельніцтва).

326 аддзяленняў медыцынскай рэабілітацыі функцыянуюць у краіне, у тым ліку 96 стацыянарных аддзяленняў, згодна з данымі Міністэрства аховы здароўя.

Беларусі ўдалося дабіцца зніжэння дзіцячай смяротнасці да 2,4 на 1 тыс. нованароджаных жывымі (2019 г.). Гэта адзін з самых нізкіх паказчыкаў у свеце. Павялічваецца выжывальнасць дзяцей з экстрэмальна нізкай масай цела, выходжваюцца нованароджаныя, якія з’явіліся на свет на 22 тыдні цяжарнасці. Беларусь займае лідзіруючыя месцы сярод краін з самым нізкім узроўнем дзіцячай і мацярынскай смяротнасці.

Каля 1 591,6 млн чалавек перавозяць у Беларусі ўсімі відамі транспарту за год (2021 г.).

Амаль 384,9 млн т грузаў перавозіцца ў Беларусі ўсімі відамі транспарту за год (2021 г.).

Больш за 1,5 тыс. км - працягласць беларускіх аўтадарог з павышаным скорасным рэжымам.

Больш як 1,5 тыс. км, згодна з данымі Мінтранса, складае агульная працягласць 2 транс’еўрапейскіх транспартных калідораў у межах Беларусі.

Тэрыторыю Рэпублікі Беларусь перасякаюць транс’еўрапейскія транспартныя калідоры, вызначаныя па міжнароднай класіфікацыі пад нумарам II "Захад - Усход" (Берлін - Варшава - Мінск - Масква - Ніжні Ноўгарад) і IX "Поўнач - Поўдзень" (Хельсінкі - Санкт-Пецярбург/Масква - Кіеў - Кішынёў) з адгалінаваннем IXB (Калінінград/Клайпеда - Вільнюс - Мінск - Кіеў - Кішынёў). Яны звязваюць Заходнюю Еўропу са многімі прамысловымі цэнтрамі Беларусі, Расіі, Украіны, Літвы, Малдовы і іншых краін.

7,9 тыс. км - працягласць магістральных газаправодаў на тэрыторыі Беларусі.

324 шт. на 1 тыс. чалавек - забяспечанасць насельніцтва легкавымі аўтамабілямі (на 1 студзеня 2022 г.).

96 узнагарод: 20 залатых, 32 сярэбраныя, 44 бронзавыя заваяваны беларусамі на Алімпійскіх гульнях пасля афіцыйнага прызнання Нацыянальнага алімпійскага камітэта краіны (21 верасня 1993 г. на 101-й сесіі МАК у Манака).

У Беларусі ў 2021 годзе налічвалася 592 гасцініцы і аналагічных сродкаў размяшчэння, якія мелі 19,8 тыс. нумароў.

474 - колькасць санаторна-курортных, аздараўленчых арганізацый і іншых спецыялізаваных сродкаў  размяшчэння, якія адначасова маглі прыняць амаль 50 тыс. наведвальнікаў. На канец 2020 года ў Дзяржаўны спіс гісторыка-культурных каштоўнасцей Рэспублікі Беларусь уключаны:

1 801 помнік архітэктуры Беларусі.

1 214 помнікаў гісторыі Беларусі.

67 помнікаў мастацтва Беларусі.

2 253 помніка археалогіі Беларусі.

160 музеяў працуюць на сённяшні дзень в Беларусі.

23 306 - колькасць фізкультурна-спартыўных збудаванняў.

16,9 млн га - плошча існуючых паляўнічых угоддзяў.

563,6 тыс. турыстаў (з іх 12,2 тыс. - іншаземцы) у 2021 годзе скарысталіся паслугамі 3 150 суб’ектаў аграэкатурызму.

26,2% да ВУП - узровень даходаў кансалідаванага бюджэту (студзень-сакавік 2022 г.).

24,3% да ВУП - узровень расходаў кансалідаванага бюджэту (студзень-сакавік 2022 г.).

1,8% да ВУП - дэфіцыт кансалідаванага бюджэту (студзень-сакавік 2022 г.).

11,7% да ВУП - узровень расходаў кансалідаванага бюджэту на сацыяльную сферу (студзень-сакавік 2022 г.).

24% да ВУП - падатковая нагрузка на эканоміку (2021 г.).

9,75% - стаўка рэфінансавання Нацыянальнага банка (з 31 мая 2023 г.).

23 банкі дзейнічаюць на тэрыторыі Беларусі (на 1 мая 2022 г.).

11,1% - узровень інфляцыі ў Беларусі - прырост спажывецкіх цэн (красавік 2022 г. да снежня 2021 г.).

$7,8 млрд - міжнародныя рэзервовыя актывы (на 1 мая 2022 г.).

66 двухбаковых міжнародных пагадненняў аб садзейнічанні ажыццяўленню і ўзаемнай абароне інвестыцый заключана Рэспублікай Беларусь.

44,4 т - залаты запас Беларусі (на 1 студзеня 2022 г.).

15,7 млн шт. банкаўскіх пластыкавых картак дзейнічалі ў Беларусі на 1 студзеня 2022 г.

70 міжнародных пагадненняў аб прадухіленні двайнога падаткаабкладання і папярэджанні ўхілення ад выплаты падаткаў заключана Рэспублікай Беларусь.

$9,2 млрд прамых замежных інвестыцый накоплена ў эканоміцы Беларусі на 1 красавіка 2022 г.

$1,8 млрд прамых замежных інвестыцый прыцягнута на чыстай аснове ў эканоміку ў студзені-сакавіку 2022 г.

70,6% насельніцтва Беларусі ва ўзросце 6-72 гадоў карыстаюцца персанальным камп’ютарам (2021 г.).

86,9% насельніцтва Беларусі ва ўзросце 6-72 гадоў карыстаюцца інтэрнэтам (2021 г.).

98,3% насельніцтва Беларусі ва ўзросце 6-72 гадоў карыстаюцца сотавай сувяззю (2021 г.).

У Рэспубліцы Беларусь 100% насельніцтва мае доступ да электраэнергіі.

26 гідраэлектрастанцый дзейнічаюць у Беларусі.

У краіне пабудавана 109 ветраэнергетычных установак сумарнай магутнасцю 218,09 МВт, большая частка з якіх размешчана ў Гродзенскай і Магілёўскай абласцях.

Беларусь мае 95 сонечных установак камерцыйнага выкарыстання агульнай магутнасцю 154,81 МВт, большая частка з якіх размяшчаецца ў Гродзенскай, Магілёўскай і Брэсцкай абласцях.

У Беларусі пабудаваны 33 біягазавыя ўстаноўкі, якія  выпрацоўваюць як электрычную, так і цеплавую энергію. Агульная электрычная магутнасць - 42,29 МВт, цеплавая - 24,95 МВт.

Каля 250 станцый зарадкі электрычнага транспарту налічвалася ў Беларусі на канец 2019 г.

Да 2025 г. Беларусь знізіць выкіды парніковых газаў на 33% у параўнанні з узроўнем 1990 г. Абавязацельства па зніжэнні на 28% у адпаведнасці з Парыжскім пагадненнем па клімаце ўжо выканана.

442,2 тыс. т умоўнага паліва сэканомлена ў 2019 г. у Беларусі дзякуючы рэалізацыі энергазберагальных мерапрыемстваў.

99,9% шматкватэрных жылых дамоў пабудавана ў 2021 г. у энергаэфектыўным выкананні.

80 экалагічных грамадскіх аб’яднанняў дзейнічаюць на тэрыторыі Беларусі, а таксама каля 20 экалагічных цэнтраў, у якіх звыш 30 тыс. навучэнцаў штогод наведваюць 2,5 тыс. гурткоў эколага-біялагічнага профілю.

Рэспубліка Беларусь штогод экспартуе другасных рэсурсаў на $15 млн.

Больш за 100 электробусаў перавозяць пасажыраў у гарадскіх зносінах на тэрыторыі Беларусі. Турыстычныя электрычныя аўтобусы таксама выкарыстоўваюцца на тэрыторыі рэспубліканскага ландшафтнага заказніка "Свіцязянскі" і палацава-паркавага комплексу ў Нясвіжы.

50 гарадоў Беларусі далучыліся да праекта развіцця зялёных устойлівых гарадоў у рамках добраахвотнай міжнароднай ініцыятывы Еўрасаюза "Пагадненні мэраў" па энергіі і клімаце.