Больш як Br90 тыс. накіравана са спецфонду Прэзідэнта на падтрымку таленавітай моладзі

Больш як Br90 тыс. накіравана са спецыяльнага фонду Прэзідэнта Беларусі па падтрымцы таленавітай моладзі на выплату 23 спецыяльных прэмій і 2 гранд-прэмій. Адпаведнае рашэнне савета спецфонду зацверджана распараджэннем, якое падпісаў Кіраўнік дзяржавы Аляксандр Лукашэнка.

Заахвочваннямі фонду адзначаны калектыў "Лабараторыя эстраднага танца БДУКМ" і 24 прадстаўнікі таленавітай моладзі - пераможцы міжнародных і рэспубліканскіх конкурсаў і фестываляў у галіне музычнага, харэаграфічнага і іншых відаў мастацтваў.

Распараджэнне з'яўляецца сведчаннем увагі дзяржавы да стварэння ўмоў для развіцця і навучання таленавітай моладзі, стымулявання яе творчай актыўнасці і прафесійнага росту.