Віншаванне работнікам лясной гаспадаркі і дрэваапрацоўчай прамысловасці

Работнікам і ветэранам лясной гаспадаркі і дрэваапрацоўчай прамысловасці

Дарагія сябры!

Сардэчна віншую з прафесійным святам.

Лясная гаспадарка даўно з'яўляецца значнай часткай нацыянальнай эканомікі, а дрэваапрацоўка - важкім артыкулам экспарту.

Дзякуючы вашай карпатлівай працы беларускія лясы - нацыянальны здабытак рэспублікі - рацыянальна выкарыстоўваюцца, беражліва ахоўваюцца і эфектыўна аднаўляюцца.

У поўнай меры высокае прафесійнае майстэрства вы праявілі ў экстрэмальных умовах, якія ўзніклі з-за мінулых ураганаў. І нават у сваё свята многія з вас працуюць, устараняючы наступствы нядаўняй стыхіі.

Упэўнены, што вы і ў далейшым будзеце паспяхова спраўляцца з усімі пастаўленымі задачамі, захоўваючы і прымнажаючы прыроднае багацце краіны, якое мы павінны перадаць будучым пакаленням.

Міру, дабрабыту і дабра вам і вашым сем'ям.

Аляксандр Лукашэнка