Вышэйшая атэстацыйная камісія Рэспублікі Беларусь

Агульная інфармацыя

Вышэйшая атэстацыйная камісія – орган дзяржкіравання, які праводзіць дзяржаўную палітыку і рэалізуе функцыю дзяржаўнага рэгулявання ў галіне атэстацыі навуковых, у тым ліку навукова-педагагічных, работнікаў вышэйшай кваліфікацыі.

Асноўныя задачы

• забеспячэнне функцыянавання нацыянальнай сістэмы атэстацыі навуковых работнікаў;
• каардынацыя дзейнасці рэспубліканскіх органаў дзяржаўнага кіравання, навуковых арганізацый, а таксама ўстаноў вышэйшай і дадатковай адукацыі дарослых, за выключэннем цэнтраў падрыхтоўкі, павышэння кваліфікацыі і перападрыхтоўкі рабочых, у галіне атэстацыі навуковых работнікаў незалежна ад падпарадкаванасці гэтых арганізацый і ўстаноў;
• забеспячэнне адзіных патрабаванняў да ўзроўню навуковай і навукова-педагагічнай кваліфікацыі саіскальнікаў вучоных ступеней і вучоных званняў;
• садзейнічанне павышэнню эфектыўнасці падрыхтоўкі навуковых работнікаў з улікам патрэбнасцей у іх навукова-вытворчай і сацыяльнай сфер;
• удзел у прапагандзе вынікаў дысертацыйных даследаванняў у мэтах іх шырокага выкарыстання для вырашэння актуальных эканамічных і (або) сацыяльных праблем;
• развіццё міжнароднага супрацоўніцтва ў галіне атэстацыі навуковых работнікаў.