Нацыянальны цэнтр заканадаўства і прававой інфармацыі Рэспублікі Беларусь

Агульная інфармацыя

Нацыянальны цэнтр заканадаўства і прававой інфармацыі (НЦЗПІ) з'яўляецца дзяржаўнай навукова-практычнай установай, якая забяспечвае падрыхтоўку праектаў прававых актаў, метадычнае кіраўніцтва нарматворчай дзейнасцю, правядзенне юрыдычнай экспертызы прававых актаў (іх праектаў), афіцыйнае апублікаванне прававых актаў, работу з прававой інфармацыяй, яе распаўсюджванне (прадастаўленне), правядзенне навуковых даследаванняў у галіне права і падрыхтоўку навуковых работнікаў вышэйшай кваліфікацыі.

Створаны ў адпаведнасці з Указам Прэзідэнта Рэспублікі Беларусь ад 14 сакавіка 2024 г. № 96 "Аб Нацыянальным цэнтры заканадаўства і прававой інфармацыі Рэспублікі Беларусь" шляхам зліцця Нацыянальнага цэнтра заканадаўства і прававых даследаванняў і Нацыянальнага цэнтра прававой інфармацыі.

НЦЗПІ падпарадкаваны Прэзідэнту Рэспублікі Беларусь. Агульнае кіраўніцтва ажыццяўляе Адміністрацыя Прэзідэнта Рэспублікі Беларусь.

Асноўныя задачы

• падрыхтоўка праектаў прававых актаў і метадычнае кіраўніцтва нарматворчай дзейнасцю, правядзенне юрыдычнай экспертызы прававых актаў (іх праектаў);
• афіцыйнае апублікаванне прававых актаў, работа з прававой інфармацыяй, яе распаўсюджванне (прадастаўленне);
• правядзенне навуковых даследаванняў у галіне права, падрыхтоўка навуковых работнікаў вышэйшай кваліфікацыі.

Арганізацыя мае свае філіялы ва ўсіх абласных цэнтрах краіны і г. Мінску.