Віншаванне Прэзідэнту Венесуэлы Нікаласу Мадуру
Прэзідэнт Беларусі Аляксандр Лукашэнка павіншаваў Прэзідэнта Венесуэлы Нікаласа Мадуру і народ гэтай краіны з нацыянальным святам - Днём Незалежнасці.
"Нягледзячы на пастаянны націск з боку ЗША і іх саюзнікаў, якія не спыняюць спроб навязаць нам свае каштоўнасці і захаваць свой светапарадак, Мінск і Каракас прадаўжаюць прытрымлівацца ўласнага шляху развіцця, арыентаванага на стварэнне справядлівага шматпалярнага свету, - гаворыцца ў віншаванні. - Упэўнены, што рэзультатыўнае процістаянне гэтаму напору магчыма толькі дзякуючы яшчэ большаму з'яднанню дзяржаў, якія падзяляюць адзіныя, падобныя да нашых, погляды на новы глабальны парадак".
Прэзідэнт адзначыў, што ўсебаковае ўмацаванне сувязей з Венесуэлай застаецца вельмі важным напрамкам беларускай знешняй палітыкі. "Падтрыманне актыўнага і адкрытага дыялогу на ўсіх узроўнях - гарант паспяховай рэалізацыі разнастайных сумесных ініцыятыў для забеспячэння прагрэсу абедзвюх краін", - падкрэсліў Кіраўнік дзяржавы.
Аляксандр Лукашэнка пажадаў Нікаласу Мадуру выдатнага здароўя і плённай дзейнасці пры выкананні адказнай дзяржаўнай місіі, а венесуэльцам - міру і дабрабыту.