Віншаванне народнай артыстцы Беларусі Наталлі Гайдзе
Кіраўнік дзяржавы Аляксандр Лукашэнка павіншаваў народную артыстку Беларусі Наталлю Гайду з днём нараджэння.
"Вы ўнеслі значны ўклад у захаванне і развіццё нацыянальнай культуры. Дзякуючы ўнікальнаму акцёрскаму майстэрству, самабытнаму выкананню і працаздольнасці па праву заслужылі шчырую любоў публікі", - гаворыцца ў віншаванні.
Больш за палову стагоддзя творчая дзейнасць артысткі непарыўна звязана з Беларускім дзяржаўным акадэмічным музычным тэатрам. "Упэўнены, Вашы талент і шматгранны вопыт і ў далейшым будуць садзейнічаць папаўненню скарбніцы айчыннага мастацтва, заставацца яркім прыкладам для падрастаючага пакалення", - падкрэсліў Прэзідэнт.
Аляксандр Лукашэнка пажадаў Наталлі Гайдзе добрага здароўя, невычэрпнага натхнення, шчасця і дабрабыту.