Віншаванне Нетумба Нандзі-Ндаітве з выбраннем на пасаду Прэзідэнта Намібіі

Прэзідэнт Беларусі Аляксандр Лукашэнка павіншаваў Нетумба Нандзі-Ндаітву з выбраннем на пасаду Прэзідэнта Намібіі.

Вынікі галасавання сведчаць аб высокім узроўні даверу суайчыннікаў курсу развіцця краіны, які праводзіцца партыяй "Народная арганізацыя Паўднёва-Заходняй Афрыкі" і Нетумба Нандзі-Ндаітвай асабіста, звярнуў увагу беларускі лідар.

У Беларусі, паводле слоў Прэзідэнта, з цеплынёй успамінаюць яе афіцыйны візіт у кастрычніку 2016 года ў якасці намесніка Прэм'ер-міністра - Міністра міжнародных адносін і супрацоўніцтва Намібіі.

"Упэўнены, што з Вашым веданнем магчымасцей беларускай эканомікі, асабістым удзелам і вялікім палітычным вопытам мы здолеем вывесці міждзяржаўны дыялог на якасна новы ўзровень", - падкрэсліў Аляксандр Лукашэнка.

Кіраўнік дзяржавы пацвердзіў зацікаўленасць у трансфармацыі значнага патэнцыялу двухбаковага партнёрства, у тым ліку ў такіх галінах, як прамысловасць, механізацыя сельскай гаспадаркі, харчовая бяспека, навука і адукацыя, у сумесныя ўзаемавыгадныя праекты.

"Буду рады сустрэцца з Вамі для абмеркавання шляхоў актывізацыі беларуска-намібійскага супрацоўніцтва", - адзначыў Прэзідэнт.

Аляксандр Лукашэнка пажадаў Нетумба Нандзі-Ндаітве моцнага здароўя і поспехаў на адказнай дзяржаўнай пасадзе.