Спачуванне народу Чэхіі ў сувязі з масавай стральбой у Празе
Прэзідэнт Беларусі Аляксандр Лукашэнка выказаў спачуванні народу Чэхіі ў сувязі з ахвярамі стральбы ў Празе.
"Да глыбіні душы шакіраваны жудаснай трагедыяй, якая здарылася 21 снежня ў Празе. Масавае забойства ні ў чым не вінаватых людзей у цэнтры адной з еўрапейскіх сталіц уражвае цынізмам і бессэнсоўнасцю. Рашуча асуджаем гэты бесчалавечны акт насілля, які патрабуе належнага асэнсавання з боку ўлады і рэакцыі дэмакратычнай грамадскасці Чэхіі", - падкрэсліў Кіраўнік дзяржавы.
Аляксандр Лукашэнка ад імя беларускага народа і сябе асабіста выказаў спачуванні сем'ям, блізкім загінулых і ўсяму чэшскаму народу, а таксама пажадаў хутчэйшага выздараўлення пацярпелым.