Шэраг службовых асоб вызвалены з займаемых пасад
Прэзідэнт Беларусі Аляксандр Лукашэнка падпісаў указы, у адпаведнасці з якімі шэраг службовых асоб вызвалены з займаемых пасад.
Ігар Сергяенка ў адпаведнасці з артыкулам 84 Канстытуцыі Беларусі вызвалены з пасады Кіраўніка Адміністрацыі Прэзідэнта Рэспублікі Беларусь у сувязі з пераходам на выбарную пасаду служачага.
На той жа падставе вызвалены з пасад Міністр працы і сацыяльнай абароны Ірына Касцевіч, памочнік Прэзідэнта - інспектар па г.Мінску Аляксандр Барсукоў, дырэктар Нацыянальнага цэнтра заканадаўства і прававых даследаванняў Вадзім Іпатаў, рэктар Акадэміі кіравання пры Прэзідэнце Беларусі Вячаслаў Даніловіч.
Таксама ў адпаведнасці з артыкулам 84 Канстытуцыі генерал-маёр Генадзь Ляпешка вызвалены з пасады начальніка ўстановы адукацыі "Ваенная акадэмія Рэспублікі Беларусь", а генерал-маёр юстыцыі Андрэй Ліс - з пасады начальніка ўпраўлення Следчага камітэта па Мінскай вобласці. Ім прыпынена, адпаведна, ваенная служба і служба ў Следчым камітэце ў сувязі з выбраннем дэпутатамі Палаты прадстаўнікоў Нацыянальнага сходу на тэрмін іх паўнамоцтваў.
У адпаведнасці з пунктам 10 артыкула 84 і артыкулам 145 Канстытуцыі Беларусі Мікалай Маратаеў вызвалены з пасады намесніка старшыні і суддзі Гомельскага абласнога суда ў сувязі з выбраннем на іншую пасаду. Ён таксама выключаны са складу прэзідыума Гомельскага абласнога суда.
