Віншаванне хрысціянам Беларусі са святам Вялікадня

Дарагія суайчыннікі!

Ад усяго сэрца віншую вас з Уваскрэсеннем Хрыстовым.

Светлы Вялікдзень - невычэрпная крыніца духоўнай стойкасці, галоўны сімвал адраджэння, веры і надзеі.

Гэты цудоўны час нагадвае аб вечных маральных арыенцірах: узаемнай павазе, шанаванні старэйшых, міласэрнасці, спагадзе, бескарыслівым клопаце пра бліжняга, шчырай любові да роднай зямлі.

Няхай глыбокі сэнс гэтых велікодных дзён спадарожнічае ўсім вашым учынкам і пачынанням, пабуджаючы жаданне жыць сумленна. Асаблівая цеплыня свята ўмацуе ў сэрцы надзею на самае лепшае, прынясе ў кожны дом мір, згоду і шчасце.

Жадаю вам добрага здароўя, аптымізму і дабрабыту.

Аляксандр Лукашэнка