Падпісаны Указ аб рэгуляванні адміністрацыйных працэдур
Прэзідэнт Беларусі Аляксандр Лукашэнка 12 жніўня падпісаў Указ № 313 "Аб рэгуляванні адміністрацыйных працэдур". Дакумент накіраваны на тое, каб ажыццяўленне такіх працэдур прывесці ў адпаведнасць з Законам ад 7 снежня 2023 года "Аб змяненні Закона Рэспублікі Беларусь "Аб асновах адміністрацыйных працэдур".
Указам прадугледжана надзяленне РУП "Нацыянальны цэнтр электронных паслуг" функцыямі аператара дзяржаўнай інфармацыйнай сістэмы "Рэестр адміністрацыйных працэдур", уладальнікам якой з'яўляецца Міністэрства эканомікі. Гэта зроблена ў мэтах забеспячэння даступнасці інфармацыі аб адміністрацыйных працэдурах, якія ажыццяўляюцца ў адносінах да суб'ектаў гаспадарання.
За Саветам Міністраў замацоўваюцца паўнамоцтвы на рэгуляванне платы за паслугі (работы), якія аказваюцца ўпаўнаважаным органам пры ажыццяўленні адміністрацыйнай працэдуры, а таксама на ўстанаўленне формы рэгламенту такой працэдуры (змяшчае інфармацыю аб патрабаваннях да яе ў адносінах да суб'ектаў гаспадарання).
Згодна з Указам прызнаецца страціўшым сілу Указ ад 25 чэрвеня 2021 года № 240 "Аб адміністрацыйных працэдурах, якія ажыццяўляюцца ў адносінах да суб'ектаў гаспадарання".