Нарада з кіраўніцтвам Савета Міністраў

Прэзідэнт Беларусі Аляксандр Лукашэнка 17 жніўня сабраў нараду з кіраўніцтвам Савета Міністраў. На абмеркаванне вынесены праекты нарматыўных прававых актаў, якія датычацца эканамічнай сферы і нацыянальнай бяспекі.

Усяго, паводле слоў Кіраўніка дзяржавы, плануецца абмеркаваць чатыры асноўныя тэмы: праекты інтэграцыйных праграм Саюзнай дзяржавы, пытанні рэабілітацыі неплацежаздольных прадпрыемстваў, удасканаленне сістэмы маніторынгу грамадскай бяспекі і карэкціроўку некаторых паўнамоцтваў Урада.

Аб развіцці інтэграцыі ў фармаце Саюзнай дзяржавы сказана ўжо нямала. Гэта тэма гучала і на апошнім Усебеларускім народным сходзе, і ў час нядаўняй "Вялікай размовы з Прэзідэнтам". Аляксандр Лукашэнка прапанаваў заслухаць даклад віцэ-прэм'ера Мікалая Снапкова, які ўзначальвае беларускі бок у перагаворах з Расіяй па інтэграцыйных праграмах.

"Больш цікавіць будзе пытанне, калі мы фармалізуем і рэалізуем гэтыя праграмы", - адзначыў Прэзідэнт.

Каля года таму на ўзроўні Кіраўніка дзяржавы разглядаўся законапраект "Аб урэгуляванні неплацежаздольнасці". Тады Ураду было даручана змяніць ідэалогію гэтага дакумента: адысці ад банкруцтва да рэабілітацыі праблемных прадпрыемстваў. Таксама змянілася канцэпцыя законапраекта - акцэнт зроблены на абароне арганізацый ад шокаў, выкліканых неспрыяльнымі знешнімі фактарамі. "Пры гэтым хачу сказаць, што пераадоленне гэтых шокавых бар'ераў - перш за ўсё клопат працоўных калектываў і кіраўнікоў гэтых працоўных калектываў", - падкрэсліў Аляксандр Лукашэнка.

"Акрамя таго, прадугледжана, што будзем адыходзіць ад судовага суправаджэння ўсіх этапаў разгляду спраў аб эканамічнай неплацежаздольнасці, - адзначыў Прэзідэнт. - Каардынуючая роля ў пытаннях фінансавага аздараўлення канчаткова будзе сканцэнтравана ва Урадзе, галіновых органах і выканкамах".

Прэзідэнт не выключыў, што частку пытанняў усё ж трэба будзе пакінуць на разгляд судоў, але яны ужо будуць апошняй інстанцыяй.

Аляксандр Лукашэнка адзначыў, што тэма забеспячэння грамадскай бяспекі актуальная ва ўсе часы, і гэта першапачатковая функцыя любой дзяржавы. "Асабліва па выніках мінулага года мы добра разумеем сёння, што такое грамадская бяспека і на чым яна заснавана. Нам трэба працаваць на перспектыву. У тым ліку з выкарыстаннем сучасных тэхнічных сродкаў, узровень якіх павінен адпавядаць выстаўляемым патрабаванням і існуючай абстаноўцы, - падкрэсліў ён. - Мы вельмі адсталі ад развітых у гэтым плане вядучых дзяржаў планеты. Давядзецца даганяць".

На разгляд Прэзідэнта прадстаўлены праект указа, які прадугледжвае змяненне падыходаў да сістэмы маніторынгу грамадскай бяспекі. Кіраўнік дзяржавы пацікавіўся, як новыя падыходы павысяць грамадскую бяспеку і якая нагрузка ў цэлым ляжа на бюджэт. 

"Пры гэтым вельмі прашу вас мець на ўвазе, што мы не можам сабе дазволіць неэфектыўнае выкарыстанне бюджэтных сродкаў. Метады кантролю павінны быць пад'ёмнымі для беларускай дзяржавы. Ніякіх празмернасцей быць не павінна, і я ніколі на гэта не пайду", - падкрэсліў Аляксандр Лукашэнка.", - падкрэсліў Аляксандр Лукашэнка.

Акрамя таго, дадаў Прэзідэнт, трэба дасканала прапрацаваць пытанне абароны інфармацыі, прыняць усе меры для недапушчэння неабароненасці сістэмы. "Адначасова праваахоўным органам трэба актывізаваць дзейнасць па спыненні злачынстваў у сферы высокіх тэхналогій: праблема архіважная", - даручыў Кіраўнік дзяржавы.

"Як працяг работы па пераразмеркаванні функцый паміж органамі дзяржулады яшчэ адным пытаннем для абмеркавання будзе карэкціроўка некаторых паўнамоцтваў Урада. Прапанавана выключыць неабходнасць вызначэння Урадам пазіцыі для прадстаўнікоў дзяржавы пры адчужэнні буйных аб'ектаў нерухомай маёмасці", - расказаў Прэзідэнт.

Аляксандр Лукашэнка спытаў, якога эфекту чакаецца дасягнуць ад гэтых навацый, прапаноў і ці не страціць дзяржава ў гэтым выпадку кантроль за продажам прывабных актываў. "Падыход павінен быць адзін: актуальна гэта сёння ці не", - звярнуў ён увагу.