Аляксандр Лукашэнка зацвердзіў рашэнне савета спецфонду Прэзідэнта па падтрымцы таленавітай моладзі
Кіраўнік дзяржавы Аляксандр Лукашэнка падпісаў распараджэнне, якім зацверджана рашэнне савета спецыяльнага фонду Прэзідэнта Беларусі па падтрымцы таленавітай моладзі.
На гэтыя мэты з рэспубліканскага бюджэту за кошт сродкаў рэзервовага фонду будзе накіравана больш за Br100 тыс.
Уладальнікамі гранд-прэмій з прысваеннем звання лаўрэата спецыяльнага фонду сталі два пераможцы міжнародных музычных конкурсаў - Амалія Сухан і Валерыя Бернатовіч, якія прадстаўлялі Беларусь у вакальных конкурсах "Славянскага базару ў Віцебску".
Спецыяльныя прэміі прысуджаны 25 пераможцам міжнародных і рэспубліканскіх мастацка-творчых спаборніцтваў, у тым ліку ансамблю кафедры харэаграфіі Беларускага дзяржаўнага ўніверсітэта культуры і мастацтваў пад кіраўніцтвам Святланы Гуткоўскай, а таксама заслужанаму аматарскаму калектыву Рэспублікі Беларусь народнаму харэаграфічнаму ансамблю "Сузор'е".
Прыняцце распараджэння Кіраўніка дзяржавы накіравана на выяўленне і падтрымку таленавітай моладзі, стварэнне спрыяльных умоў для далейшага развіцця яе здольнасцей.
