Аб змяненні ўказаў Прэзідэнта Рэспублікі Беларусь

Прэзідэнт Беларусі Аляксандр Лукашэнка 6 студзеня падпісаў Указ № 9, які накіраваны на рэалізацыю пагаднення аб маркіроўцы тавараў сродкамі ідэнтыфікацыі ў Еўразійскім эканамічным саюзе.

Дакумент карэкціруе парадак маркіроўкі тавараў кантрольнымі (ідэнтыфікацыйнымі) знакамі: уводзяцца ўніфікаваныя кантрольныя знакі некалькіх фарматаў для маркіроўкі ўсіх груп тавараў незалежна ад наміналаў. Ствараемая сістэма маркіроўкі будзе акумуляваць інфармацыю аб абароце тавараў, іх пералік вызначаецца Урадам.

Інфармацыю плануецца прадастаўляць суб'ектам гаспадарання, кантралюючым органам і выкарыстоўваць пры інфармацыйным узаемадзеянні з інтэграванай інфармацыйнай сістэмай ЕАЭС пры трансгранічным гандлі, калі маркіроўка такіх тавараў будзе ўведзена на тэрыторыі ўсіх або некалькіх краін ЕАЭС.

Кантраляваць выкананне заканадаўства аб маркіроўцы тавараў і каардынаваць дзейнасць іншых дзяржаўных органаў па гэтых пытаннях будзе Міністэрства па падатках і зборах. Выдавецтва "Белбланкавыд" назначана ўладальнікам і аператарам сістэмы маркіроўкі, які ажыццяўляе генерацыю кодаў маркіроўкі і іх рэалізацыю.