Аб зацвярджэнні Асноўных напрамкаў грашова-крэдытнай палітыкі Рэспублікі Беларусь на 2021 год

Прэзідэнт Беларусі Аляксандр Лукашэнка 22 снежня падпісаў Указ № 481 "Аб зацвярджэнні Асноўных напрамкаў грашова-крэдытнай палітыкі Рэспублікі Беларусь на 2021 год".

Згодна з дакументам, манетарная палітыка ў 2021 годзе будзе накіравана на стабілізацыю інфляцыі, што вымяраецца індэксам спажывецкіх цэн, на ўзроўні не больш як 5%.

Забеспячэнне цэнавай стабільнасці будзе дасягацца Нацыянальным банкам у рэжыме манетарнага таргетавання пры дапамозе кантролю над аб'ёмам грашовага прапанавання. Збалансаванаму росту грашовага прапанавання будзе садзейнічаць падтрыманне ў рэальным выражэнні працэнтных ставак у эканоміцы на дадатным узроўні.

Захаванне фінансавай стабільнасці будзе ажыццяўляцца шляхам рэалізацыі мерапрыемстваў па абмежаванні сістэмных рызык, падтрыманні ўзроўню золатавалютных рэзерваў, забеспячэнні бяспечнага функцыянавання банкаў, нябанкаўскіх крэдытна-фінансавых і некрэдытных фінансавых арганізацый, ААТ "Банк развіцця Рэспублікі Беларусь", а таксама эфектыўнай работы плацежнай сістэмы.

Камунікацыйная палітыка Нацыянальнага банка будзе накіравана на павышэнне адкрытасці і празрыстасці праводзімай у Беларусі грашова-крэдытнай палітыкі.