ГА "Беларуская рэспубліканская піянерская арганізацыя"

ГА "Беларуская рэспубліканская піянерская арганізацыя"

Дзеці і моладзь - асноўны патэнцыял развіцця і залог паспяховай будучыні Беларусі. Іх сацыялізацыя з улікам асаблівасцей кожнага дзіцяці - прыярытэт дзяржаўнай маладзёжнай палітыкі.

Адной з найбольш масавых грамадскіх арганізацый, якая падтрымлівае дзіцячыя і маладзёжныя ініцыятывы, накіраваныя на інтэлектуальнае, духоўнае, фізічнае выхаванне падрастаючага пакалення, з'яўляецца Беларуская рэспубліканская піянерская арганізацыя. У 1990 годзе, у час X Рэспубліканскага злёту піянераў, былі прыняты статут, дэвіз і законы арганізацыі, з'явілася вядомая ўсімі дзецьмі нашай краіны назва - Беларуская рэспубліканская піянерская арганізацыя.

На працягу наступных гадоў абноўленая піянерыя змагла захаваць свае станоўчыя традыцыі - выхаванне адданасці Радзіме, вернасці ідэалам дабра і справядлівасці, улічваючы пры гэтым патрабаванні часу і сучасныя тэндэнцыі развіцця дзіцячага руху.

Сёння БРПА аб'ядноўвае дзяцей і моладзь з актыўнай жыццёвай пазіцыяй, якія гатовы сваёй ініцыятывай і ўчынкамі садзейнічаць асобаснаму станаўленню юных грамадзян. У шэрагах арганізацыі знаходзяцца "акцябраты" - дзеці ад 7 да 10 гадоў, "піянеры" - ад 10 да 14 гадоў і "важатыя", або "лідары", - дзеці старэйшыя за 15 гадоў.

Асноўнымі напрамкамі дзейнасці БРПА з'яўляюцца: грамадзянскае і патрыятычнае выхаванне дзяцей і моладзі; духоўна-маральнае станаўленне сучаснай асобы; развіццё спорту і турызму, папулярызацыя здаровага ладу жыцця; сацыяльная абарона дзяцей, дабрачыннасць, ахова навакольнага асяроддзя; фарміраванне інфармацыйнай культуры; ажыццяўленне міжнароднай дзейнасці.

У 2019 годзе ў піянерыі Беларусі з'явіўся талісман - рысяня Аганёк і агульны слоган "Піянерыя - тэрыторыя дзяцінства".

На працягу многіх гадоў візітнымі карткамі піянерыі з'яўляюцца Рэспубліканская спартыўна-патрыятычная гульня "Зарнічка" і ваенна-патрыятычная гульня "Зарніца"; дыстанцыйная гульня "Пароль - акцябронак"; мерапрыемствы, прысвечаныя Дню піянерскай дружбы і піянерскага кастра.

Карыстаюцца папулярнасцю ў дзіцячай аўдыторыі такія інтэрнэт-праекты, як "Вотчына.бай", прысвечаная году Малой радзімы, квест-гульня "Па слядах Перамогі…", інтэлектуальна-забаўляльная гульня "Піянерскі квіз" і многія іншыя.

БРПА знаходзіцца ў пастаянным пошуку актуальных цікавых форм і метадаў работы з дзецьмі, прыцягвае ўсіх, хто зацікаўлены ў выпрацоўцы новых падыходаў да выхавання падрастаючага пакалення.

Сёння БРПА - гэта:

  • адзіны дзіцячы саюз краіны;
  • 2000 мерапрыемстваў для дзяцей у год;
  • магчымасць самарэалізацыі кожнага дзіцяці;
  • папулярызацыя здаровага ладу жыцця;
  • рэальны ўклад у будучыню Беларусі.