ГА "Беларуская рэспубліканская піянерская арганізацыя"
БРПА ажыццяўляе сваю дзейнасць у рамках рэалізацыі дзяржаўнай маладзёжнай палітыкі ў Рэспубліцы Беларусь, грунтуючыся на ідэалогіі беларускай дзяржавы, агульначалавечых каштоўнасцях, лепшых традыцыях работы з дзіцячымі і маладзёжнымі грамадскімі аб'яднаннямі і рухамі нашай краіны.
БРПА - самая масавая дзіцячая грамадская арганізацыя ў Рэспубліцы Беларусь. Піянерскі рух, з'яўляючыся важкім складнікам арганізаванага дзяцінства не толькі ў нашай краіне, але і на постсавецкай прасторы, грунтуецца на лепшых традыцыях піянерыі і папулярызуе вечныя агульначалавечыя каштоўнасці - праца, дабро і справядлівасць.
У гэты дзень быў прыняты Статут, Дэвіз і Законы беларускіх піянераў. У 2019 годзе ў піянерыі Беларусі з'явіўся талісман – рысяня Агеньчык і агульны слоган арганізацыі "БРПА – тэрыторыя дзяцінства".
З кожным днём піянерская арганізацыя папаўняецца актыўнымі, ініцыятыўнымі, крэатыўнымі і таленавітымі дзецьмі. На сённяшні дзень БРПА налічвае ў сваіх шэрагах больш за 600 тысяч неабыякавых хлопчыкаў і дзяўчынак. Члены арганізацыі з 7 да 10 гадоў называюцца – "акцябраты", з 10 да 14 гадоў – "піянеры", старэйшыя за 15 гадоў – "лідары", "важатыя".
У аснове работы БРПА - грамадзянскае і патрыятычнае выхаванне дзяцей і падлеткаў, духоўна-маральнае станаўленне сучаснай асобы, папулярызацыя здаровага ладу жыцця, спорту і турызму, сацыяльная абарона дзяцей, выхаванне інфармацыйнай культуры і ажыццяўленне дабрачыннай і міжнароднай дзейнасці.
Візітнымі карткамі беларускіх піянераў сёння з'яўляюцца адроджаныя спартыўна-патрыятычныя гульні "Зарніца" і "Зарнічка", патрыятычны фестываль-конкурс "Агеньчык запрашае сяброў!", праекты "Тэрыторыя ведаў", "Тэрыторыя дзяцінства", конкурсы "Піянер года" і многія іншыя.
Піянеры і акцябраты ўцягнуты ў абноўлены цімураўскі рух і актыўна прымаюць удзел у рэспубліканскіх акцыях і праектах: "Цуды на Каляды" (праводзіцца для выхаванцаў дзіцячых дамоў, школ-інтэрнатаў), "Ветэран жыве побач", "Ад усёй душы!", "Ніхто не забыты" (шэфства над ветэранамі і ўдзельнікамі Вялікай Айчыннай вайны); "Абеліск" (догляд мемарыялаў і помнікаў); "ЭкаЦімураўцы", "Цімураўцы.by" (цімураўскія дыстанцыйныя адукацыйныя гульні).
Прыкладам вывучэння гісторыі сваёй краіны, культурнай спадчыны стаў Рэспубліканскі піянерскі інтэрнэт-праект "Вотчына.бай", прымеркаваны да Года малой радзімы ў Рэспубліцы Беларусь, вынікам рэалізацыі якога стала стварэнне гісторыка-культурных маршрутаў па малой Радзіме, якія ў свабодным доступе размешчаны ў сетцы Інтэрнэт.
За апошнія гады піянерская арганізацыя кардынальна змянілася. Створаны нефармальны стыль дзіцячай арганізацыі, ён сфарміраваны дзякуючы разумнаму балансу паміж выкарыстаннем інавацыйных тэхналогій і захаваннем лепшых традыцый піянерскага руху Рэспублікі Беларусь. Лічбавізацыя прасторы паскорыла працэс укаранення сучасных форм работы з дзецьмі і падлеткамі, а выкарыстанне інфармацыйна-камунікацыйных тэхналогій зрабілі БРПА прывабнай не толькі для дзяцей і падлеткаў, але і для іх бацькоў.
Нязменнай застаецца мэта і традыцыі арганізацыі - дапамагчы кожнаму піянеру стаць грамадзянінам, сваімі ўчынкамі прыносіць карысць сабе, сваёй сям'і і Радзіме.
У 2022 годзе Беларуская рэспубліканская піянерская арганізацыя ўдастоена высокай узнагароды - спецыяльнай прэміі Прэзідэнт Беларусі "За духоўнае адраджэнне" - за значны ўклад у грамадзянскае і патрыятычнае выхаванне падрастаючага пакалення, рэалізацыю сацыяльна значных дзіцячых праектаў і ініцыятыў.
Сайт БРПА стаў пераможцам інтэрнэт-прэміі "ТІБО-2022" у намінацыі лепшы сайт "Для дзяцінства і юнацтва".