Падтрымка ветэранаў Вялікай Айчыннай вайны

Другая сусветная вайна стала самым цяжкім выпрабаваннем у гісторыі чалавечай цывілізацыі. Для беларускага народа Вялікая Айчынная вайна — не толькі гісторыя. Практычна кожная беларуская сям’я ведае пра вайну не па чутках. У той вайне Беларусь страціла кожнага трэцяга жыхара.

Менавіта таму клопат пра ветэранаў у нашай краіне - святы, маральны абавязак.

На 1 студзеня 2020 года ў рэспубліцы пражывала:

5217 ветэранаў Вялікай Айчыннай вайны, у тым ліку 3378 інвалідаў і ўдзельнікаў вайны (уключаючы двух Герояў Савецкага Саюза);
13 961 грамадзянін, які пацярпеў ад наступстваў вайны, - 410 членаў сем’яў ваеннаслужачых, загінулых у гады Вялікай Айчыннай вайны, 13 022 былыя вязні фашызму, 529 інвалідаў з дзяцінства ў выніку ранення, кантузіі, калецтва, звязаных з баявымі дзеяннямі ў перыяд вайны або з наступствамі баявых дзеянняў.

Падтрымка ветэранаў вайны, пацярпелых ад наступстваў вайны грамадзян заўсёды была і застаецца адным з прыярытэтаў дзяржаўнай сацыяльнай палітыкі. Пры гэтым яна з’яўляецца сістэмнай і комплекснай.

Ветэранам Вялікай Айчыннай вайны ў якасці мер сацыяльнай абароны прадастаўляюцца дзяржаўныя сацыяльныя льготы ў сферы аховы здароўя, па праезду на транспарце, у жыллёвай сферы.

2019 і 2020 гады асаблівыя, юбілейныя - 75-годдзя вызвалення нашай рэспублікі ад нямецка-фашысцкіх захопнікаў і 75-годдзя Перамогі савецкага народа ў Вялікай Айчыннай вайне.

Пры падрыхтоўцы да святкавання 75-й гадавіны вызвалення Рэспублікі Беларусь ад нямецка-фашысцкіх захопнікаў у рэгіёнах арганізаваны і праведзены абследаванні матэрыяльна-бытавых умоў жыцця ўсіх ветэранаў Вялікай Айчыннай вайны і некаторых катэгорый грамадзян, якія пацярпелі ад наступстваў вайны, усяго - каля 23 тыс. чалавек. Усе маючыя ў гэтым патрэбу атрымалі неабходную сацыяльна-бытавую дапамогу ў адпаведнасці з паступіўшымі ў ходзе абследаванняў заяўкамі.

У адпаведнасці з Указам Прэзідэнта Рэспублікі Беларусь ад 28 сакавіка 2019 года № 118 "Аб аказанні аднаразовай матэрыяльнай дапамогі" ў чэрвені 2019 года ветэранам Вялікай Айчыннай вайны і некаторым катэгорыям грамадзян, пацярпелых ад наступстваў вайны, у сувязі са святкаваннем 75-й гадавіны вызвалення Рэспублікі Беларусь ад нямецка-фашысцкіх захопнікаў праведзена выплата матэрыяльнай дапамогі. Такую дапамогу атрымалі больш за 22 тыс. чалавек.

У сувязі з 75-й гадавінай Перамогі ў 2020 годзе ветэранам вайны і некаторым катэгорыям грамадзян, якія пацярпелі ад яе наступстваў, таксама аказана матэрыяльная дапамога.

Яшчэ адна мера сацыяльнай абароны - санаторна-курортнае лячэнне. У санаторыях праходзяць аздараўленне грамадзяне, якім згодна з заканадаўствам прадастаўлена права бясплатнага санаторна-курортнага лячэння (непрацуючыя інваліды і ўдзельнікі Вялікай Айчыннай вайны, непрацуючыя інваліды I і II груп) або на ўмовах частковай аплаты, памер якой залежыць ад атрыманага даходу і сезона (ветэраны працы і інваліды III групы).