Транспарт і лагістыка
Геаграфічнае становішча Рэспублікі Беларусь абумовіла яе ролю ў якасці важнай транзітнай краіны ва Усходняй Еўропе.
Паводле папярэдняй ацэнкі, за 2023 год доля транспартнай галіны ў валавым унутраным прадукце Рэспублікі Беларусь склала 4,7%. Транспартныя паслугі фарміруюць больш за 40% агульнага аб'ёму экспарту паслуг краіны.
У сферы транспартнага комплексу Рэспублікі Беларусь паводле стану на 1 студзеня 2024 года функцыянуе больш як 11,2 тыс. арганізацый розных форм уласнасці і звыш 36 тыс. індывідуальных прадпрымальнікаў.
У 2023 годзе ўсімі відамі пасажырскага транспарту (уключаючы таксаматорны) перавезена больш за 1570,2 млн чалавек.
Для забеспячэння павышэння якасці абслугоўвання, эфектыўнасці работы і бяспекі рэалізуецца шэраг інфраструктурных праектаў.
За 2021-2022 гады выканана рэканструкцыя такіх значных для краіны аб'ектаў дарожнай інфраструктуры як:
аўтадарога Р-23 Мінск-Мікашэвічы ад Салігорска да Слуцка;
аўтадарога Р-53 ад Мінска да Смалявіч, рэканструкцыя якой працягваецца ў бок Барысава;
мост праз р. Заходняя Дзвіна на пад'ездзе да г. Наваполацка.
Узведзены Паўднёва-заходні абход г. Магілёва і абход г.п. Мір.
Уведзена ў эксплуатацыю другая штучная ўзлётна-пасадачная паласа ў Нацыянальным аэрапорце Мінск. Прадаўжаецца работа па мадэрнізацыі чыгуначнай інфраструктуры і абнаўленні рухомага саставу Беларускай чыгункі. У галіне воднага транспарту асноўныя работы сканцэнтраваны на ўчастку міжнароднага воднага шляху Е40, рэканструкцыі суднаходных збудаванняў Днепра-Бугскага канала.
Развіццё транспартнай галіны цесна звязана з развіццём лагістычнай сістэмы Рэспублікі Беларусь. На пачатак 2023 года ў краіне дзейнічалі 62 лагістычныя цэнтры рознай функцыянальнасці.
Эфектыўна развіваюцца перавозкі кантэйнернымі цягнікамі праз тэрыторыю Рэспублікі Беларусь у напрамку Кітай - Еўропа - Кітай.
Цяпер на тэрыторыі парка функцыянуе першая чарга лагістычнага комплексу агульнай плошчай 50 тыс. кв.м з тэхналагічнымі пляцоўкамі для пагрузачна-разгрузачных работ і кантэйнерным тэрміналам.
Наступным этапам з’яўляецца будаўніцтва бімадальнага грузавога тэрмінала плошчай 800 тыс. кв.м з удзелам кіруючай кампаніі найбуйнейшага рачнога порта Еўропы “Дуйсбург Хафэн”, лагістычнага аператара “Чайна Мерчантс Груп” і “Хупак Інтэрмодал СА” (Швейцарыя). Будаўніцтва тэрмінала дасць магчымасць павялічыць транспартныя патокі праз Беларусь.
У транспартнай сферы прадаўжаецца работа па ўдасканаленні дзеючых тэхналагічных працэсаў і павышэнні ўзроўню іх аўтаматызацыі і лічбавізацыі. 18 жніўня 2023 г. у Маскве ў рамках выканання мерапрыемстваў Саюзнай праграмы па ўніфікацыі рэгулявання транспартнага рынку падпісана Пагадненне аб міжнародных аўтамабільных перавозках. Рэалізацыя падпісанага Пагаднення дасць магчымасць выконваць кабатажныя аўтамабільныя перавозкі грузаў па тэрыторыі Расіі пры выкананні вызначаных Пагадненнем умоў, а таксама да 1 студзеня 2030 года паэтапна перайсці да поўнай бездазвольнай сістэмы на ажыццяўленне міжнародных аўтамабільных перавозак грузаў. Гэты крок зробіць для беларускіх перавозчыкаў даступным ёмісты ўнутраны расійскі рынак перавозак грузаў.