Тэлефонная размова з Першым Прэзідэнтам Казахстана Нурсултанам Назарбаевым
Прэзідэнт Беларусі Аляксандр Лукашэнка павіншаваў Нурсултана Назарбаева з днём нараджэння. Напярэдадні Першаму Прэзідэнту Казахстана Кіраўнік беларускай дзяржавы накіраваў тэлеграму, а сёння адбылася тэлефонная размова.
Акрамя віншавальнай тэматыкі Аляксандр Лукашэнка і Нурсултан Назарбаеў абмеркавалі абстаноўку на бягучы момант - сітуацыю вакол Беларусі і Казахстана і ў краінах постсавецкай прасторы. Нурсултан Назарбаеў падрабязна цікавіўся абстаноўкай у нашым рэгіёне.
Беларускаму народу Першы Прэзідэнт Казахстана адрасаваў самыя цёплыя пажаданні.
У адпраўленай у адрас Нурсултана Назарбаева віншавальнай тэлеграме змешчаны пажаданні добрага здароўя, дабрабыту, доўгіх і шчаслівых гадоў жыцця.
"З вашым імем непарыўна звязаны маштабныя палітычныя і сацыяльна-эканамічныя пераўтварэнні незалежнага Казахстана, яго станаўленне ў якасці сучаснай дзяржавы, якая дабілася значных поспехаў на міжнароднай арэне", - гаворыцца ў віншаванні.
Аляксандр Лукашэнка адзначыў, што складана пераацаніць уклад Нурсултана Назарбаева ў наладжванне дружалюбных і даверных адносін паміж Беларуссю і Казахстанам. "Узаемная падтрымка і плённае двухбаковае супрацоўніцтва на працягу многіх гадоў сталі асновай для стварэння інтэграцыйных аб'яднанняў на еўразійскай прасторы, садзейнічалі ўстойліваму развіццю Рэспублікі Беларусь і Рэспублікі Казахстан", - падкрэсліў Прэзідэнт.