Сустрэча са Старшынёй Дзяржаўнага мытнага камітэта Уладзімірам Арлоўскім

Прэзідэнт Беларусі Аляксандр Лукашэнка правёў 31 жніўня рабочую сустрэчу са Старшынёй Дзяржаўнага мытнага камітэта Уладзімірам Арлоўскім.

"Павінен сказаць, што сістэма, якую вы ўзначальваеце, спрацавала ў гэтым годзе - пакуль - станоўча. Паводле даных, паводле тых лічбаў, якія вы прадставілі, працуем станоўча. Дай бог, вытрымаць гэта на працягу бягучага года", - сказаў Аляксандр Лукашэнка.

Прэзідэнт адзначыў, што, нягледзячы на існуючыя складанасці, у тым ліку санкцыйны націск, на 12% павялічыўся паток праз мытную граніцу грузавых транспартных сродкаў. "Гэта добрая тэндэнцыя", - звярнуў ёй увагу.

"За 8 месяцаў на 100 тысяч грузавікоў больш праехала праз граніцу, чым у мінулым годзе", - удакладніў Уладзімір Арлоўскі.

"Думаю, што да канца года можам яшчэ крыху і дабавіць", - лічыць Кіраўнік дзяржавы.

Аляксандр Лукашэнка акцэнтаваў увагу яшчэ на адным моманце: мадэрнізацыя пунктаў пропуску. Паводле яго слоў, удасканальваць мытную інфраструктуру важна, асабліва калі ўлічваць пастаянны рост грузапатоку. "Як ідуць справы на граніцы з будаўніцтвам гэтых пунктаў пропуску? Гэта вельмі важна", - падкрэсліў Прэзідэнт.

Паводле слоў Кіраўніка дзяржавы, аналіз сітуацыі сведчыць аб тым, што Беларусь спраўляецца са сваёй роляй на міжнароднай арэне ў сферы эканомікі. "Мы краіна транзітная, патэнцыял транзітны ў нас велізарны. І мы захавалі рэпутацыю надзейнага партнёра і поўнасцю забяспечваем свае функцыі ў плане рэалізацыі гэтага транзітнага патэнцыялу", - падкрэсліў Прэзідэнт.

Прымаючы з дакладам кіраўніка ДМК, Аляксандр Лукашэнка не абмінуў і санкцыйную праблематыку. "У гэтай сітуацыі, вядома, роля Мытнага камітэта вялікая. Як мы дапамагаем нашым кампаніям, прадпрыемствам? Вы разумееце, што націск на граніцы да таго націску санкцыйнага - гэта будзе ўжо празмерна для нашых кампаній", - сказаў Кіраўнік дзяржавы. Паводле яго слоў, неабходна падтрымаць беларускія прадпрыемствы ў тым ліку і ў мытным плане.

Кіраўнік дзяржавы пацікавіўся, якія вынікі дасягнуты ДМК у праваахоўнай дзейнасці. Асаблівую ўвагу ён звярнуў на барацьбу з незаконным абаротам наркотыкаў.

"Нас жа заходнікі вечна абвінавачваюць у тым, што мы займаемся кантрабандай, то цыгарэты не тыя да іх трапілі, то нелегальная міграцыя, яшчэ нейкія праблемы. Але яны нічога не кажуць аб тым, што мы маем ад іх, асабліва наркаты, сінтэтычных наркотыкаў, якія паступалі і паступаюць з Еўропы. Яны гэта замоўчваюць, таму што нявыгадна", - заўважыў Аляксандр Лукашэнка.

Уладзімір Арлоўскі праінфармаваў Прэзідэнта аб выніках вырашэння пастаўленых задач. Паводле яго слоў, усе даручэнні Кіраўніка дзяржавы выконваюцца. "Не толькі наша інфраструктура дае магчымасць павелічэння патоку (грузавога транспарту. - Заўвага), але і нашы тэхналогіі. Мы стараемся афармляць хутка, не прыдзірацца. У нас 94% усяго транзітнага патоку на граніцы афармляецца на працягу 10 хвілін", - заявіў Старшыня Дзяржаўнага мытнага камітэта.