Спачуванне родным і блізкім Героя Савецкага Саюза Івана Кустава
Прэзідэнт Беларусі Аляксандр Лукашэнка выказаў спачуванні родным і блізкім Героя Савецкага Саюза Івана Кустава, які пайшоў з жыцця.
"Пайшоў з жыцця чалавек непахіснай волі і бязмежнай асабістай мужнасці, усё жыццё якога было яскравым прыкладам служэння Радзіме, народу, вернасці высокім ідэалам і грамадзянскім каштоўнасцям. Мы страцілі вельмі дастойнага прадстаўніка легендарнага пакалення герояў-вызваліцеляў, сапраўднага сына сваёй Радзімы", - гаворыцца ў спачуванні.
Кіраўнік дзяржавы адзначыў, што Іван Кустаў пайшоў у вечнасць, пакінуўшы яркі след не толькі ў сэрцах сваіх родных і блізкіх, але і ў гісторыі нашай краіны.
"Яго жыццёвы шлях - гэта сапраўдны прыклад і магутная духоўная апора для цяперашніх і наступных пакаленняў абаронцаў Айчыны. Светлая і добрая памяць аб сапраўдным чалавеку заўсёды будзе жыць у нашых сэрцах", - падкрэсліў беларускі лідар.