Прадстаўленне Юрыя Назарава на пасадзе Кіраўніка спраў Прэзідэнта

Кіраўнік дзяржавы Аляксандр Лукашэнка 22 жніўня прадставіў на пасадзе Кіраўніка спраў Прэзідэнта Юрыя Назарава.

Аляксандр Лукашэнка адзначыў, што Юрый Назараў у гэтай сферы чалавек не новы: у 2010-2013 гадах ён працаваў на пасадзе намесніка Кіраўніка спраў Прэзідэнта.

"У мяне з ім адбылася ні адна размова да назначэння, і мы дамовіліся, што, пакуль я буду ў камандзіроўцы, ён азнаёміцца з цяперашнім станам спраў, калі трэба, пазнаёміцца з кадрамі асобнымі, з якімі ён не знаёмы яшчэ. Так і зрабілі, - расказаў Прэзідэнт. - Кіраўніцтва справамі - структура асаблівая ў органах дзяржаўнай улады Беларусі. Тут таксама вырашаюцца пытанні агульнадзяржаўнага значэння, і пасада кіраўніка спраў у кадравым рэестры размешчана ў верхнім радку як вышэйшая службовая пасада. Гэта значыць, што, акрамя тых функцый, у яго кампетэнцыю ўваходзіць усё - усе тыя задачы трэба вырашаць, якія вырашаюцца на тэрыторыі Беларусі".

Як паведамлялася, 16 жніўня Аляксандр Лукашэнка прыняў шэраг кадравых рашэнняў, у прыватнасці, змяніўшы кіраўніцтва ў Кіраўніцтве справамі Прэзідэнта. Валерый Іваноў, які крыху больш за год узначальваў гэты орган, звярнуўся да Кіраўніка дзяржавы з хадайніцтвам аб пераходзе на іншую работу. Аляксандр Лукашэнка гэту просьбу падтрымаў.

Кіраўніцтва справамі Прэзідэнта ўзначаліў Намеснік Прэм'ер-міністра Юрый Назараў. На пасадзе віцэ-прэм'ера ён курыраваў пытанні развіцця машынабудавання, нафтахіміі, дрэваапрацоўкі і навукі.