Падпісаны Указ аб рэалізацыі крэдытнага пагаднення
Прэзідэнт Беларусі Аляксандр Лукашэнка 14 верасня падпісаў Указ № 341 "Аб рэалізацыі крэдытнага пагаднення".
У адпаведнасці з дакументам прадугледжваюцца меры па рэалізацыі крэдытнага пагаднення паміж Рэспублікай Беларусь і Кувейцкім фондам арабскага эканамічнага развіцця, уключаючы шэраг ільгот і прэферэнцый па мытных пошлінах і ПДВ.
Сродкі пазыкі ў памеры 7,5 кувейцкіх дынараў (эквівалентныя $25 млн) будуць накіраваны на рэканструкцыю гарадской клінічнай бальніцы № 3 Гродна пад Гродзенскі абласны клінічны анкалагічны дыспансер.
Пасля заканчэння рэканструкцыі для лячэння анкалагічных пацыентаў у Гродзенскай вобласці будуць прымяняцца адпаведныя сусветным стандартам сучасныя метады прамянёвага і камбінаванага (хірургічнага і хіміяпрамянёвага) лячэння, радыенукліднай дыягностыкі.
