Хакейная каманда Прэзідэнта выйграла Рэспубліканскі турнір аматараў хакея
- 26
- 3:12
Хакейная каманда Прэзідэнта Беларусі перамагла зборную Брэсцкай вобласці ў другім матчы фінальнай серыі XIV Рэспубліканскіх спаборніцтваў сярод аматараў на прызы Прэзідэнцкага спартыўнага клуба і стала ўладальніцай ганаровага трафея.
На лёдзе сталічнай "Алімпік-Арэны" 10 красавіка прэзідэнцкая дружына выйграла з лікам 12:4 (0:2, 4:0, 8:2).
Першы паядынак фінальнай серыі да дзвюх перамог прайшоў 3 красавіка і завяршыўся з лікам 9:6 (2:0, 4:2, 3:4) на карысць лядовай дружыны Кіраўніка дзяржавы.
На стартавым этапе спаборніцтваў каманда Прэзідэнта атрымала 6 перамог у 6 праведзеных матчах, набраўшы 12 ачкоў з 12 магчымых, і заняла 1-е месца ў турнірнай табліцы.
Хакейная каманда Кіраўніка дзяржавы выйграла спаборніцтвы сярод аматарскіх каманд 12-ы раз. Па адным тытуле - у хакеістаў Гомельскай і Мінскай абласцей.
Арганізатары XIV Рэспубліканскіх спаборніцтваў па хакеі сярод аматараў - Прэзідэнцкі спартыўны клуб, Міністэрства спорту і турызму, Федэрацыя хакея Беларусі і Мінгарвыканкам.
