Прэзідэнт падпісаў Указ аб развіцці СМІ
Прэзідэнт Беларусі Аляксандр Лукашэнка 31 сакавіка падпісаў Указ № 131 "Аб развіцці сродкаў масавай інфармацыі".
Дакумент прыняты ў мэтах забеспячэння ўстойлівага эканамічнага становішча нацыянальных сродкаў масавай інфармацыі, вытворчасці ў неабходным аб'ёме якаснага беларускага кантэнту.
Указам устанаўліваецца збор за размяшчэнне рэкламы ў памеры 10% пры размяшчэнні вонкавай рэкламы і рэкламы на транспарце, у іншых выпадках - 20% ад кошту паслуг па распаўсюджванні рэкламы. Збор будзе выплачвацца рэкламадаўцамі і накіроўвацца на падтрымку дзяржаўных сродкаў масавай інфармацыі.
Акрамя таго, зменена стаўка падатку на дабаўленую вартасць пры аказанні паслуг перадачы даных з 25% да 26%.
