Аб аб'яўленні Падзякі Прэзідэнта Рэспублікі Беларусь

Падзяка Прэзідэнта Рэспублікі Беларусь аб'яўлена шэрагу кітайскіх кампаній, якія ўдзельнічалі ва ўзвядзенні Нацыянальнага футбольнага стадыёна і Басейна міжнароднага стандарту. Адпаведнае распараджэнне Прэзідэнт Беларусі Аляксандр Лукашэнка падпісаў 26 чэрвеня.

За паспяховую рэалізацыю праекта тэхніка-эканамічнай дапамогі "Нацыянальны футбольны стадыён" узнагароды ўдастоены Кітайская карпарацыя інжынірынгу IPPR, Міжнародная інжынерна-кіруючая Кампанія Цзінсін, Пекінская гарадская будаўнічая група.

Падзякі Прэзідэнта Рэспублікі Беларусь за паспяховую рэалізацыю праекта тэхніка-эканамічнай дапамогі "Басейн міжнароднага стандарту" ўдастоены Пекінскі архітэктурна-праектны інстытут, Шэньянская кампанія інжынернага нагляду і кансультавання, Пекінская будаўніча-інжынерная група.