Дадатковая адукацыя
Дадатковая адукацыя дзяцей і моладзі
Нацыянальную сістэму дадатковай адукацыі дзяцей і моладзі сёння прадстаўляюць 244 цэнтры (палацы) і 384 дзіцячыя школы мастацтваў.
З 244 цэнтраў (палацаў) з'яўляюцца аднапрофільнымі 63 установы дадатковай адукацыі (з іх 10 цэнтраў тэхнічнага профілю, 11 цэнтраў эколага-біялагічнага профілю, 21 цэнтр турысцка-краязнаўчага профілю, 17 цэнтраў фізкультурна-спартыўнага профілю) і 181 установа - шматпрофільная.
Ва ўстановах дадатковай адукацыі дзяцей і моладзі ўсіх тыпаў налічваецца каля 30 тыс. аб'яднанняў па інтарэсах, арганізаваных за кошт бюджэтных сродкаў.
На базе ўстаноў дадатковай адукацыі рэалізуецца значная частка сацыяльных, культурных, спартыўна-масавых мерапрыемстваў, праектаў навучэнцаў, інфармацыйна-прапагандысцкіх акцый.
Прыярытэтным напрамкам у дзейнасці гэтых устаноў з'яўляецца работа па грамадзянска-патрыятычным выхаванні навучэнцаў.
Установы дадатковай адукацыі дзяцей і моладзі шырока ўключаны ў правядзенне рэспубліканскіх акцый, праектаў, конкурсаў.
Дадатковая адукацыя дарослых
Дадатковая адукацыя дарослых Рэспублікі Беларусь уяўляе сабой гібкую і мабільную сістэму, якая вырашае задачы забеспячэння галін эканомікі прафесійнымі кадрамі патрабуемага ўзроўню кваліфікацыі, кадравай падтрымкі інавацыйных працэсаў, задавальнення патрэбнасцей грамадзян у прафесійным удасканаленні.
У краіне існуе разгалінавая сетка ўстаноў адукацыі сістэмы павышэння кваліфікацыі і перападрыхтоўкі кадраў. Адукацыйныя праграмы дадатковай адукацыі дарослых рэалізуюць амаль 400 устаноў адукацыі і арганізацый, розных па ведамаснай падпарадкаванасці і формах уласнасці. У 2024 годзе бесперапыннай прафесійнай адукацыяй у рэспубліцы ахоплена больш за 330 тыс. чалавек.
Ва ўстановах вышэйшай і дадатковай адукацыі дарослых навучанне вядзецца па 362 спецыяльнасцях перападрыхтоўкі. Пры гэтым пералік спецыяльнасцей перападрыхтоўкі пастаянна карэкціруецца з улікам патрабаванняў арганізацый - заказчыкаў кадраў.
Створана сістэма прафесійнай падрыхтоўкі, перападрыхтоўкі, павышэння кваліфікацыі па прафесіях рабочых (служачых) як ва ўстановах адукацыі, так і ў арганізацыях, на прадпрыемствах.
Прадугледжаны і забяспечваюцца сацыяльныя гарантыі работнікам, якія накіроўваюцца наймальнікам на прафесійную падрыхтоўку, перападрыхтоўку, павышэнне кваліфікацыі і стажыроўку.