Вярхоўны Суд Рэспублікі Беларусь

Агульная інфармацыя

Вярхоўны Суд Рэспублікі Беларусь узначальвае сістэму судоў агульнай юрысдыкцыі і з'яўляецца вышэйшым судовым органам, які ажыццяўляе правасуддзе па грамадзянскіх, крымінальных справах, справах аб адміністрацыйных правапарушэннях, эканамічных справах, ажыццяўляе нагляд за судовай дзейнасцю судоў агульнай юрысдыкцыі, рэалізуе іншыя паўнамоцтвы ў адпаведнасці з заканадаўчымі актамі.

Кампетэнцыя Вярхоўнага Суда Рэспублікі Беларусь

Вярхоўны Суд Рэспублікі Беларусь:

  • разглядае ў межах сваёй кампетэнцыі справы ў якасці суда першай інстанцыі, у касацыйным парадку, у парадку нагляду і па нававыяўленых абставінах, а таксама скаргі (пратэсты) на пастановы абласных (Мінскага гарадскога) судоў і пастановы эканамічных судоў абласцей (горада Мінска) па справах аб адміністрацыйных правапарушэннях;
  • разглядае ў адпаведнасці з заканадаўчымі актамі ў межах сваёй кампетэнцыі справы ў апеляцыйным парадку;
  • уносіць у Канстытуцыйны Суд Рэспублікі Беларусь прапановы аб дачы заключэнняў у адпаведнасці з часткай другой артыкула 112 і часткай чацвёртай артыкула 116 Канстытуцыі Рэспублікі Беларусь;
  • вывучае і абагульняе судовую практыку, вядзе і аналізуе судовую статыстыку судоў агульнай юрысдыкцыі і дае растлумачэнні па пытаннях прымянення заканадаўства;
  • ажыццяўляе кантроль за выкананнем ніжэйшымі судамі пастаноў Пленума Вярхоўнага Суда Рэспублікі Беларусь;
  • аказвае дапамогу суддзям судоў агульнай юрысдыкцыі па прымяненні заканадаўства;
  • распрацоўвае прапановы аб удасканаленні заканадаўства;
  • ажыццяўляе арганізацыйнае, матэрыяльна-тэхнічнае і кадравае забеспячэнне дзейнасці судоў агульнай юрысдыкцыі, а таксама арганізацыйнае і матэрыяльна-тэхнічнае забеспячэнне органаў судзейскай супольнасці;
  • вырашае ў межах сваёй кампетэнцыі пытанні, якія вынікаюць з міжнародных дагавораў Рэспублікі Беларусь, а таксама пытанні супрацоўніцтва з судамі замежных дзяржаў, замежнымі і міжнароднымі арганізацыямі.
Вярхоўны Суд Рэспублікі Беларусь

Месцазнаходжанне:

220020, г. Мінск, вул. Арлоўская, 76

Афіцыйны сайт:

www.court.gov.by