Цэнтральная выбарчая камісія Рэспублікі Беларусь

Агульная інфармацыя

Цэнтральная выбарчая камісія Рэспублікі Беларусь – дзяржаўны орган, які арганізуе правядзенне выбараў і рэферэндумаў у Рэспубліцы Беларусь.

  • арганізуе падрыхтоўку і правядзенне выбараў Прэзідэнта, дэлегатаў Усебеларускага народнага сходу, дэпутатаў Палаты прадстаўнікоў і членаў Савета Рэспублікі, дэпутатаў мясцовых Саветаў дэпутатаў, рэспубліканскіх рэферэндумаў;
  • кантралюе на ўсёй тэрыторыі рэспублікі выкананне заканадаўства Беларусі аб выбарах, рэферэндуме, адкліканні дэпутата і члена Савета Рэспублікі;
  • кіруе дзейнасцю выбарчых камісій, камісій па рэферэндуме;
  • рэгіструе ініцыятыўныя групы грамадзян па вылучэнні кандыдатаў у прэзідэнты;
  • рэгіструе кандыдатаў у прэзідэнты, іх давераных асоб;
  • забяспечвае захаванне роўных прававых умоў перадвыбарнай дзейнасці палітычных партый, іншых грамадскіх аб'яднанняў, кандыдатаў у прэзідэнты, у дэпутаты;
  • складае і зацвярджае каштарысы расходаў па правядзенні выбараў, рэспубліканскага рэферэндуму;
  • кантралюе мэтавае выкарыстанне грашовых сродкаў, выдзеленых з рэспубліканскага бюджэту, пазабюджэтнага фонду, выбарчых фондаў кандыдатаў у прэзідэнты;
  • інфармуе Палату прадстаўнікоў аб расходаванні сродкаў, выдзеленых з бюджэту на правядзенне выбараў, рэспубліканскага рэферэндуму, адклікання дэпутата Палаты прадстаўнікоў;
  • падводзіць вынікі выбараў, рэферэндуму;
  • рэгіструе выбраных дэпутатаў Палаты прадстаўнікоў і публікуе іх спіс у друку;
  • склікае першую пасля выбараў сесію Палаты прадстаўнікоў;
  • выдае Прэзідэнту і членам Савета Рэспублікі пасведчанні аб іх выбранні.

Месцазнаходжанне:

220010, г. Мінск, вул. Савецкая, 11 (Дом Урада, правае крыло)

Афіцыйны сайт:

www.rec.gov.by