Ордэн Айчыны
Ордэн Айчыны з’яўляецца вышэйшым ордэнам Рэспублiкi Беларусь.
Ордэн Айчыны мае тры ступені:
- ордэн Айчыны I ступені,
- ордэн Айчыны II ступені,
- ордэн Айчыны III ступені.
Вышэйшай ступенню ордэна Айчыны з’яўляецца I ступень.
Узнагароджанне ажыццяўляецца паслядоўна ордэнам Айчыны III, II і I ступені:
- за выдатныя дасягненні ў вытворчай, навукова-даследчай, сацыяльна-культурнай, грамадскай, дабрачыннай i iншых сферах дзейнасцi, накіраваных на павышэнне дабрабыту людзей і ўмацаванне магутнасці краіны;
- за мужнасць і адвагу, праяўленыя пры абароне Айчыны і яе дзяржаўных інтарэсаў, забеспячэнні законнасці і правапарадку;
- за вялікія заслугі ў развіцці эканамічных, навукова-тэхнічных і культурных сувязей паміж Рэспублікай Беларусь і іншымі краінамі.
Ордэн Айчыны носіцца на левым баку грудзей i пры наяўнасцi iншых ордэнаў (акрамя ордэна Мацi) размяшчаецца перад імі ў парадку старшынства ступеней.
