Віншаванне з Днём работнікаў фізічнай культуры і спорту

Работнікам і ветэранам фізічнай культуры і спорту Рэспублікі Беларусь

Дарагія сябры!

Віншую з Днём работнікаў фізічнай культуры і спорту.

Гэта свята алімпійскіх чэмпіёнаў і пачынаючых спартсменаў, работнікаў галіны і мільёнаў аматараў актыўнага ладу жыцця.

У краіне створаны ўсе ўмовы для заняткаў фізічнай культурай і спортам, фарміравання моцнай і здаровай нацыі. Шматлікія перамогі нашых атлетаў на буйнейшых сусветных пяршынствах выклікаюць пачуццё гонару за Беларусь і садзейнічаюць патрыятычнаму выхаванню моладзі.

У гэтым заслуга тысяч спецыялістаў, якія прымнажаюць слаўныя традыцыі айчыннага спорту і масавага фізкультурнага руху.

Дзякую работнікам і ветэранам галіны за прафесіяналізм і адданасць справе.

Жадаю вам бадзёрасці духу, невычэрпнай энергіі, міру, дабра і новых дасягненняў.

Аляксандр Лукашэнка