Тэлефонная размова з Прэзідэнтам Расіі Уладзімірам Пуціным

Адбылася тэлефонная размова Прэзідэнта Беларусі Аляксандра Лукашэнкі з Прэзідэнтам Расіі Уладзімірам Пуціным. Кіраўнікі дзяржаў абмяняліся віншаваннямі з Днём Перамогі, цёпла павіншаваўшы адзін аднаго.

Аляксандр Лукашэнка і Уладзімір Пуцін абмеркавалі графік сумесных мерапрыемстваў, якія запланаваны да правядзення ў бліжэйшыя месяцы як у Беларусі, так і на тэрыторыі Расійскай Федэрацыі.

У развіццё перагавораў Уладзіміра Пуціна з Прэзідэнтам Таджыкістана Эмамалі Рахмонам, які наведаў з візітам Маскву, бакі абмеркавалі сітуацыю ў зоне адказнасці АДКБ.

Прэзідэнты закранулі сітуацыю ва Украіне, а таксама імкненні гэтай краіны да цеснага ўзаемадзеяння з НАТА.

Аляксандр Лукашэнка і Уладзімір Пуцін таксама абмяняліся меркаваннямі аб унутранай сітуацыі ў Беларусі і Расійскай Федэрацыі. Прэзідэнты дамовіліся ў бліжэйшы час сустрэцца і абмеркаваць існуючыя праблемы, якія стаяць перад краінамі.