Віншаванне Папу Рымскаму Льву XIV

Прэзідэнт Беларусі Аляксандр Лукашэнка павіншаваў Папу Рымскага Льва XIV з першай гадавінай урачыстага пачатку Пантыфікату.

"Ва ўмовах шматлікіх узброеных канфліктаў і глыбокіх супярэчнасцей у свеце Ваш голас нязменна гучыць як заклік да міру і гуманізму", - гаворыцца ў віншаванні.

Кіраўнік дзяржавы адзначыў, што паслядоўная і прынцыповая пазіцыя Святога Прастола, накіраваная на дээскалацыю крызісных сітуацый, прымірэнне бакоў і пацвярджэнне безумоўнай каштоўнасці чалавечага жыцця, выклікае шчырую павагу і прызнанне.

"Упэўнены, Ваша служэнне будзе і ў далейшым заставацца важным арыенцірам для міжнароднай супольнасці ў пошуку ўзаемаразумення, шляху да канструктыўнага дыялогу і справядлівых рашэнняў дзеля глабальнай стабільнасці", - падкрэсліў Аляксандр Лукашэнка.

Прэзідэнт пажадаў Папу Рымскаму моцнага здароўя, духоўных сіл, стойкасці і поспехаў у высокай місіі.