Віншаванне лаўрэатам спецфондаў Прэзідэнта па сацыяльнай падтрымцы адораных навучэнцаў і студэнтаў і падтрымцы таленавітай моладзі
Кіраўнік дзяржавы Аляксандр Лукашэнка павіншаваў лаўрэатаў і стыпендыятаў спецыяльных фондаў Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў і падтрымцы таленавітай моладзі з 30-годдзем з дня стварэння фондаў.
"Вынікам шматгадовай дзейнасці фондаў стала мноства дасягненняў, значных праектаў і ініцыятыў. Лаўрэаты і стыпендыяты горда заяўляюць аб сабе, упарта і настойліва спасцігаюць вяршыні майстэрства, нястомна імкнуцца да новых адкрыццяў", - гаворыцца ў віншаванні.
Кіраўнік дзяржавы адзначыў, што розум, талент і мэтанакіраванасць даюць магчымасць лаўрэатам і стыпендыятам спецыяльных фондаў уносіць значны ўклад у навуковае і культурнае развіццё краіны, стаць сапраўднымі прафесіяналамі сваёй справы, адданымі роднай Беларусі.
"Асаблівых слоў удзячнасці заслугоўваюць педагогі і настаўнікі, якія нястомнай працай, глыбіннай мудрасцю і вялікай цярплівасцю дапамагаюць запаліць маладыя сэрцы", - падкрэсліў Прэзідэнт.
Аляксандр Лукашэнка пажадаў усім моцнага здароўя, шчасця, удачы і яркіх перамог.
