Даклад Старшыні Савета Рэспублікі Нацыянальнага сходу Наталлі Качанавай

Прэзідэнт Беларусі Аляксандр Лукашэнка 16 жніўня прыняў з дакладам Старшыню Савета Рэспублікі Нацыянальнага сходу Наталлю Качанаву.

Прэзідэнт абазначыў тры групы пытанняў. Яны датычацца сітуацыі ў сталіцы, паколькі Наталля Качанава таксама з'яўляецца ўпаўнаважаным Кіраўніка дзяржавы па горадзе Мінску. Другая група пытанняў датычыцца таго, як у Савеце Рэспублікі пачала работу новая каманда. Трэцяя - міжнародныя кантакты па лініі Савета Рэспублікі.

"Наталля Іванаўна, перш за ўсё - Мінск. Вы, як упаўнаважаны чалавек па Мінску, сітуацыю мне далажыце. Асабліва па тых пытаннях, па якіх мы з Вамі вызначаліся. І асабліва па эканамічных - прадпрыемствы. Мотавелазавод - як там сітуацыя? Па продажах асобных будынкаў, памяшканняў... Разумееце, аб чым ідзе размова. Ну і як пачала працаваць новая каманда верхняй палаты парламента? Міжнародныя вашы кантакты і іншыя пытанні, якія Вы лічыце патрэбным абмеркаваць", - сказаў беларускі лідар.

Наталля Качанава ў сваю чаргу адзначыла, што Савет Рэспублікі ў новым складзе правёў ужо чатыры пасяджэнні. "Прыняты 31 законапраект. Мы актыўна працуем цяпер, у міжсесійны перыяд. Уключыліся ў работу даволі актыўна, працуем з людзьмі. Разглядаем тыя законапраекты, якія прадастаўлены нам на экспертным савеце. Работа вядзецца актыўна па ўсіх напрамках", - сказала яна.