Даклад Кіраўніка Адміністрацыі Прэзідэнта Ігара Сергяенкі

Прэзідэнт Беларусі Аляксандр Лукашэнка 25 студзеня прыняў з дакладам Кіраўніка Адміністрацыі Прэзідэнта Рэспублікі Беларусь Ігара Сергяенку.

Галоўнымі тэмамі, якія абмяркоўваліся ў час сустрэчы, сталі падрыхтоўка да маючых адбыцца выбараў дэпутатаў і кадравыя пытанні.

"Як у нас ідуць справы з выбарным працэсам? - пацікавіўся Прэзідэнт, удакладніўшы, ці патрэбны які-небудзь удзел з яго боку. - Можа, нейкія ёсць недахопы, просьбы і гэтак далей?"

Кіраўнік дзяржавы таксама пацікавіўся сітуацыяй з кадрамі: "У нас некалькі вакансій. Толькі што я перагаварыў з Хаджаевым (Аляксандрам Хаджаевым, які назначаны Міністрам аховы здароўя. - Заўвага). Думаю, што гэта будзе нядрэнны Міністр". Аляксандр Лукашэнка сказаў, што падпісаў адпаведны Указ аб назначэнні і даручыў 26 студзеня прадставіць новага кіраўніка калектыву Міністэрства аховы здароўя. "Каб Прэм'ер-міністр прадставіў яго і паставіў задачы, якія павінны быць абазначаны перад міністэрствам", - растлумачыў Прэзідэнт.

Ігар Сергяенка далажыў Прэзідэнту, у прыватнасці, пра бягучую грамадска-палітычную абстаноўку ў краіне, асноўныя тэндэнцыі яе развіцця, а таксама пра работу, якая праводзіцца ў рамках выбарчай кампаніі.

Другі блок пытанняў датычыўся прапаноў і падыходаў па правядзенні першага пасяджэння Усебеларускага народнага сходу, якое ў адпаведнасці з Законам аб УНС павінна прайсці ва ўстаноўленыя тэрміны - папярэдне не пазней за 25 красавіка.

Аляксандр Лукашэнка таксама цікавіўся работай Адміністрацыі Прэзідэнта па фарміраванні кадравага рэестра Кіраўніка дзяржавы, падборы кандыдатаў на дзяржслужбу ў адпаведнасці з канцэпцыяй кадравай палітыкі, якая была зацверджана Указам Прэзідэнта ў пачатку бягучага года. Ігар Сергяенка падкрэсліў, што гэта работа вядзецца ў планавым парадку.