Рабочы візіт у Кыргызскую Рэспубліку
- 7
- 1:00
Прэзідэнт Беларусі Аляксандр Лукашэнка 12 кастрычніка прыбыў з рабочым візітам у Кыргызскую Рэспубліку. У Бішкеку 13 кастрычніка ён прыме ўдзел у пасяджэнні Савета кіраўнікоў дзяржаў СНД.
Мерапрыемства традыцыйна пройдзе ў вузкім і пашыраным складах. Кіраўнік дзяржавы прадставіць пазіцыю і прапановы Беларусі па найбольш актуальных пытаннях узаемадзеяння ў рамках Садружнасці.
Чакаецца, што лідары краін СНД прымуць шэраг сумесных заяў.
На пашырэнне патэнцыялу Садружнасці і павышэнне яе ролі на міжнароднай арэне накіравана пытанне парадку дня аб заснаванні статусаў наглядальніка і партнёра СНД.
Запланавана таксама ўнясенне шэрага змяненняў у прававыя акты СНД, абмеркаванне пытанняў актуальнай праблематыкі па шырокім спектры тэм.
На палях саміту будуць абмяркоўвацца і пытанні двухбаковага супрацоўніцтва паміж краінамі - у ходзе сустрэч, перагавораў і ўзаемадзеяння кіраўнікоў дзяржаў.
