Аб прызыве афіцэраў запасу на ваенную службу

Прэзідэнт Беларусі Аляксандр Лукашэнка 10 сакавіка падпісаў Указ № 66 "Аб прызыве афіцэраў запасу на ваенную службу".

Дакументам прадугледжваецца прызваць у 2023 годзе ва Узброеныя Сілы да 230 грамадзян мужчынскага полу ва ўзросце да 27 гадоў і ў органы пагранічнай службы - да 20 чалавек, якія прайшлі навучанне па адпаведных праграмах падрыхтоўкі афіцэраў запасу на ваенных кафедрах або факультэтах, маюць воінскае званне афіцэра і залічаны ў запас.

Мерапрыемствы, прадугледжаныя Указам, праводзяцца Узброенымі Сіламі Рэспублікі Беларусь штогод на планавай аснове.

Рэалізацыя гэтага Указа дасць магчымасць павысіць узровень укамплектаванасці першасных воінскіх пасад афіцэрскага складу ва Узброеных Сілах, забяспечыць якасную падрыхтоўку мабілізацыйнага рэзерву.