Аб узнагароджанні

Прэзідэнт Беларусі Аляксандр Лукашэнка падпісаў Указ аб узнагароджанні дзяржаўнымі ўзнагародамі 116 прадстаўнікоў розных сфер дзейнасці.

Яны ўдастоены медалёў, ордэнаў, ганаровых званняў за шматгадовую плённую працу, высокі прафесіяналізм, узорнае выкананне воінскіх абавязкаў, значны асабісты ўклад у рэалізацыю бюджэтна-фінансавай палітыкі, развіццё аграпрамысловага комплексу, нафтавай прамысловасці, будаўнічай і лесагаспадарчай галін, высокія дасягненні ў сферах навукі, адукацыі і аховы здароўя, дабрачыннай і гуманітарнай дзейнасці, заслугі ў навучанні і выхаванні падрастаючага пакалення, папулярызацыі эстраднага, тэатральнага і выяўленчага мастацтва.

Ордэнам "За службу Радзіме" III ступені ўзнагароджаны начальнік 19-й пагранічнай групы пагранслужбы Уладзіслаў Бруеў, начальнік 20-га пагранічнага атрада пагранслужбы Андрэй Волкаў.

Ордэна Пашаны ўдастоены Намеснік Міністра фінансаў Уладзіслаў Татарыновіч, ордэна Францыска Скарыны - старшыня Гомельскага абласнога аддзялення грамадскага аб'яднання "Беларускі фонд міру" Цімафей Глушакоў.

Медалём "За выратаванае жыццё" ўзнагароджаны камандзір аддзялення аховы каменданцкага ўзвода роты аховы і абслугоўвання 38-й асобнай гвардзейскай дэсантна-штурмавой брыгады Узброеных Сіл Ілья Кобак.

Сярод узнагароджаных медалём "За адзнаку ў воінскай службе" - начальнік аддзела ўпраўлення 20-га пагранічнага атрада пагранічнай службы Аляксандр Амельянчык, начальнік аддзела Дзяржаўнага пагранічнага камітэта Антон Бычкоўскі.

У ліку ўдастоеных медаля "За адзнаку ў ахове дзяржаўнай граніцы" - начальнік гадавальніка службовых сабак 86-й пагранічнай групы пагранслужбы Ігар Аскірка, старшы інспектар разведвальна-пошукавага аддзялення манеўранай групы 14-га пагранатрада пагранічнай службы Вітас Буславічус.

Медалём "За працоўныя заслугі" адзначаны, у прыватнасці, урач-пульманолаг (загадчык аддзялення) пульманалагічнага аддзялення № 2 установы аховы здароўя "6-я гарадская клінічная бальніца" Мінска Марыя Журовіч, урач-кардыёлаг (загадчык) аддзялення інтэрвенцыйнай кардыялогіі Гродзенскага абласнога кардыялагічнага цэнтра Галіна Мадзекіна.

Сярод адзначаных медалём Францыска Скарыны - галоўны навуковы супрацоўнік Рэспубліканскага інстытута вышэйшай школы Віктар Гайсёнак, настаўнік фізічнай культуры і здароўя Забялышанскай сярэдняй школы Аляксандр Сцепчанка.

Ганаровае званне "Народны мастак Беларусі" прысвоена загадчыку кафедры скульптуры Беларускай дзяржаўнай акадэміі мастацтваў, члену Беларускага саюза мастакоў Уладзіміру Слабодчыкаву, "Заслужаны артыст Рэспублікі Беларусь" - эстраднаму спеваку Руслану Аляхно, мастацкаму кіраўніку Нацыянальнага акадэмічнага тэатра імя Янкі Купалы Вользе Няфёдавай, "Заслужаны дзеяч мастацтваў Рэспублікі Беларусь" - члену Беларускага саюза мастакоў Васілю Касцючэнку, "Заслужаны дзеяч навукі Рэспублікі Беларусь" - дырэктару Цэнтра даследаванняў беларускай культуры, мовы і літаратуры Нацыянальнай акадэміі навук Аляксандру Лакотку, прафесару кафедры фізікі і агульнаінжынерных дысцыплін Ваеннай акадэміі Валерыю Лойку, першаму прарэктару Беларускага дзяржаўнага тэхналагічнага ўніверсітэта Аляксандру Цыганову, "Заслужаны настаўнік Рэспублікі Беларусь" - настаўніку рускай мовы і літаратуры сярэдняй школы № 1 г.Круглае Алегу Галаўкову, "Заслужаны работнік адукацыі Рэспублікі Беларусь" - рэктару Беларускага дзяржаўнага педагагічнага ўніверсітэта імя Максіма Танка Аляксандру Жуку, "Заслужаны ўрач Рэспублікі Беларусь" - урачу-хірургу - загадчыку аперацыйнага блока хірургічнага аддзялення дзяржаўнай установы "1 ваенны шпіталь органаў пагранічнай службы Рэспублікі Беларусь" Сяргею Дзедунову, урачу-отарыналарынголагу (загадчыку) отарыналарынгалагічнага аддзялення Мінскай абласной дзіцячай клінічнай бальніцы Алене Каржаневіч, "Заслужаны работнік сельскай гаспадаркі Рэспублікі Беларусь" - кіраўніку фермерскай гаспадаркі ў Дрыбінскім раёне Уладзіміру Рынгу.