Вытворчасць будаўнічых матэрыялаў

Прамысловасць будаўнічых матэрыялаў і канструкцый прадстаўлена шырокім пералікам вытворцаў, якія забяспечваюць у поўным аб'ёме патрэбнасць рэспубліканскага будаўнічага комплексу па ўсёй групе будаўнічых матэрыялаў.

За апошнія гады прадпрыемствы, якія выпускаюць будматэрыялы, і прамысловыя базы будаўнічых арганізацый прайшлі карэнную мадэрнізацыю па аснове прымянення найбольш перадавых замежных тэхналогій, што дало магчымасць стварыць вытворчасці па выпуску канкурэнтнай прадукцыі, у тым ліку запатрабаванай за межамі Рэспублікі Беларусь.

Так, у ААТ "Гомельшкло" створаны вытворчасці па выпуску энергазберагальнага, сонцаахоўнага, шматфункцыянальнага шкла; ААТ "Керамін" і ААТ "Бярозабудматэрыялы" вырабляюць новыя віды керамічнай пліткі з павышанымі фізіка-механічнымі характарыстыкамі; у ААТ "Керамін" укаранёна прынцыпова новая ў рэспубліцы тэхналогія вытворчасці санітарна-керамічных вырабаў буйных фарматаў; у ААТ "Белмедшкло" створана вытворчасць медыцынскага шкла і вырабаў з яго; у ААТ "Гродзенскі шклозавод" арганізавана вытворчасць шклатары з выкарыстаннем інавацыйных энергаэфектыўных і рэсурсазберагальных тэхналогій.

Дадаткова рэалізуюцца інвестыцыйныя праекты, накіраваныя на імпартазамяшчэнне сыравінных і энергетычных рэсурсаў, пашырэнне наменклатуры вырабляемай прадукцыі.

Мадэрнізацыя дала магчымасць замясціць выкарыстанне імпартных будаўнічых матэрыялаў і канструкцый на ўнутраным рынку.