Нафтахімічная прамысловасць

Канцэрн "Белнафтахім" аб'ядноўвае буйнейшыя нафтахімічныя прадпрыемствы Рэспублікі Беларусь, якія ажыццяўляюць здабычу і транспарціроўку нафты і нафтапрадуктаў, выпуск прадуктаў нафтаперапрацоўкі і асноўнага арганічнага і нафтахімічнага сінтэзу.

Арганізацыі, якія ўваходзяць у склад канцэрна, вырабляюць больш як 500 відаў нафтахімічнай і хімічнай прадукцыі.

Асноўнымі таварнымі групамі, якія вызначаюць экспартны патэнцыял арганізацый канцэрна, з'яўляюцца нафтапрадукты, угнаенні мінеральныя змешаныя, шыны, хімічныя валокны і ніці, угнаенні азотныя, палімеры этылену, шкловалакно і вырабы з яго. Акрамя прамысловых прадпрыемстваў у складзе канцэрна працуюць шэраг навуковых, праектна-канструктарскіх, будаўнічых і рамонтных арганізацый.

НПЗ Беларусі рэалізуюць праграмы мадэрнізацыі і рэканструкцыі вытворчых магутнасцей, заснаваных на сусветных тэндэнцыях развіцця нафтаперапрацоўкі і нафтахіміі.

Увесь вырабляемы аб'ём маторнага паліва адпавядае экалагічнаму класу К5. Лінейка выпускаемай прадукцыі пастаянна пашыраецца, арганізавана вытворчасць бензіну АІ-98 і АІ-100, новых відаў дызельнага паліва для халоднага і арктычнага клімату, змазачных масел, нафтавых бітумаў, рэактыўнага паліва.

У рамках запланаваных да рэалізацыі праектаў па выпуску высокатэхналагічных пластыкаў прапрацоўваюцца розныя напрамкі развіцця вытворчасцей, у тым ліку хімічныя вытворчасці асобных сыравінных кампанентаў (этылбензол, ацэтон, фенол, бісфенол, стырол, бутадыен і інш.), што ў перспектыве дасць магчымасць іх выкарыстання ў вытворчасці шырокага спектра прадуктаў, у тым ліку прадуктаў малатанажнай хіміі.