Машынабудаванне

Машынабудаванне - вядучая галіна, апора і рухаючая сіла эканомікі краіны, адыгрывае важную ролю ў сацыяльна-эканамічным і інтэлектуальным развіцці дзяржавы і па праву лічыцца фундаментам усяго прамысловага комплексу.

У краіне працуюць сотні прадпрыемстваў, якія вырабляюць аўтамабілі і аўтакампаненты, сельскагаспадарчыя машыны і станкі, складаныя прыборы, оптыку, электратэхнічнае абсталяванне, ліфты, бытавую тэхніку і электроніку. Усё гэта - машынабудаўнічая галіна Рэспублікі Беларусь.

У вытворчай лінейцы - дзясяткі тысяч найменняў рознай прадукцыі: ад мікрасхем да самых вялікіх у свеце кар'ерных самазвалаў.

Беларускае машынабудаванне забяспечвае якасную работу такіх галін эканомікі, як энергетыка, будаўніцтва, транспарт, аграпрамысловы комплекс.

Заводы адыгрываюць вялікую ролю як у развіцці краіны ў цэлым, так і ў рэгіянальнай эканоміцы, у частцы забеспячэння занятасці насельніцтва, з'яўляючыся ў многіх выпадках горадаўтваральнымі арганізацыямі.

На ўсіх кантынентах зямнога шара працуе тэхніка, створаная рукамі беларускіх рабочых.

За 2023 год больш як 80% машынабудаўнічай прадукцыі рэалізавалася за мяжу. Трактары ААТ "МТЗ", кар'ерныя самазвалы ААТ "БЕЛАЗ", дарожна-будаўнічая і лесанарыхтоўчая тэхніка ААТ "Амкадор", камбайны ААТ "Гомсельмаш", цягачы і аўтобусы ААТ "МАЗ", ліфты ААТ "Магілёўліфтмаш", бытавая тэхніка ААТ "Гарызонт", ААТ "Віцязь", ЗАТ "АТЛАНТ" і іншая шматлікая прадукцыя нашых флагманаў штогод пастаўляецца ў больш як 130 краін свету.

Калі ў вытворчасці кар'ернай, пасажырскай, сельскагаспадарчай тэхнікі ў Беларусі былі сур'ёзныя кампетэнцыі з часоў Савецкага Саюза, то гэта галіна стала абсалютна новай у айчынным машынабудаванні. Аб'ёмы вытворчасці і продажаў легкавых аўто імкліва растуць з кожным годам.

Прадпрыемствы машынабудаўнічага комплексу вядуць актыўную работу па заваяванні новых рынкаў збыту, стварэнні інавацыйных прадуктаў, тэхнічным пераўзбраенні і мадэрнізацыі вытворчасцей, павышэнні якасці і канкурэнтаздольнасці айчыннай тэхнікі.