Міністэрства антыманапольнага рэгулявання і гандлю

Агульная інфармацыя

Міністэрства антыманапольнага рэгулявання і гандлю (МАРГ) праводзіць дзяржаўную палітыку ў галіне процідзеяння манапалістычнай дзейнасці і развіцця канкурэнцыі, рэгулюе дзейнасць суб'ектаў натуральных манаполій, цэнаўтварэнне, гандаль, грамадскае харчаванне, бытавое абслугоўванне насельніцтва, абарону правоў спажыўцоў, рэкламу, дзяржаўныя закупкі тавараў (работ, паслуг).

Асноўныя задачы

• праводзіць аналіз і ацэнку стану таварных рынкаў, вызначае ступень іх манапалізацыі;
• устанаўлівае дамінуючае становішча суб'ектаў гаспадарання;
• ажыццяўляе ў выпадках, устаноўленых заканадаўчымі актамі, кантроль за эканамічнай канцэнтрацыяй;
• прымяняе спосабы дзяржаўнага рэгулявання дзейнасці суб'ектаў натуральных манаполій, прадугледжаныя заканадаўствам аб натуральных манаполіях;
• устанаўлівае факт наяўнасці (адсутнасці) парушэння антыманапольнага заканадаўства на падставе існуючых або атрыманых дакументаў і (або) звестак;
• распрацоўвае метадалогію ўстанаўлення і прымянення цэн (тарыфаў);
• ажыццяўляе рэгуляванне цэн (тарыфаў) на тавары (работы, паслугі) юрыдычных асоб, індывідуальных прадпрымальнікаў на тавары (работы, паслугі), адносна якіх прымяняюцца рэгулюемыя цэны (тарыфы);
• прымае абавязковыя для выканання рашэнні аб устараненні выяўленых парушэнняў у галіне цэнаўтварэння, адмяняе цэны (тарыфы), устаноўленыя суб'ектамі цэнаўтварэння з парушэннем заканадаўства аб цэнаўтварэнні;
• забяспечвае рэалізацыю дзяржаўных праграм развіцця гандлю, грамадскага харчавання і бытавога абслугоўвання;
• ажыццяўляе маніторынг кан'юнктуры ўнутранага спажывецкага рынку;
• ажыццяўляе стварэнне і вядзенне Гандлёвага рэестра Рэспублікі Беларусь і Рэестра бытавых паслуг Рэспублікі Беларусь;
• устанаўлівае патрабаванні ў частцы лабараторнага кантролю якасці прадукцыі грамадскага харчавання.