Канцэрн "Белдзяржхарчпрам"

Агульная інфармацыя

Беларускі дзяржаўны канцэрн харчовай прамысловасці "Белдзяржхарчпрам" з'яўляецца асноўным вытворцам харчовай прадукцыі ў краіне і праводзіць адзіную эканамічную, тэхнічную і тэхналагічную палітыку ў харчовай прамысловасці рэспублікі, якая ўключае больш за 20 падгалін, што вырабляюць сотні найменняў харчовых тавараў.

Асноўныя задачы

• правядзенне адзінай эканамічнай, тэхнічнай і тэхналагічнай палітыкі ў арганізацыях харчовай прамысловасці Рэспублікі Беларусь незалежна ад форм уласнасці;
• стварэнне ўмоў для павелічэння рэсурсаў харчавання і сельскагаспадарчай  сыравіны, паляпшэнне забеспячэння насельніцтва краіны прадуктамі харчавання;
• забеспячэнне ў арганізацыях харчовай прамысловасці росту вытворчасці прадукцыі для задавальнення патрэбнасцей унутранага рынку і павелічэння паставак на экспарт; удзел сумесна з мясцовымі выканаўчымі і распарадчымі органамі ў фарміраванні сыравінных зон па вытворчасці сельскагаспадарчай прадукцыі, неабходнай для забеспячэння харчовай прамысловасці сыравінай;
• павышэнне эфектыўнасці і канкурэнтаздольнасці экспарту прадукцыі, развіццё тавараправоднай сеткі за мяжой, што садзейнічае рэалізацыі прадукцыі, якая выпускаецца арганізацыямі, што ўваходзяць у склад канцэрна.