Прэзідэнцкая бібліятэка Рэспублікі Беларусь

Агульная інфармацыя

Прэзідэнцкая бібліятэка Рэспублікі Беларусь - адна з буйнейшых спецыялізаваных бібліятэк краіны. У структуры бібліятэкі - 13 аддзелаў. Фонд складае амаль 1,5 млн дакументаў. Штогод яна абслугоўвае амаль 39 тыс. індывідуальных і калектыўных карыстальнікаў. Дзякуючы існуючай сістэме чытальных залаў і шырокаму спектру віртуальных паслуг Прэзідэнцкая бібліятэка з'яўляецца даступнай для розных катэгорый карыстальнікаў.

Асноўныя задачы

• інфармацыйна-бібліяграфічнае і бібліятэчнае абслугоўванне Прэзідэнта, органаў дзяржаўнай улады і кіравання, іншых катэгорый карыстальнікаў;
• фарміраванне, захаванне і выкарыстанне ўніверсальнага фонду айчынных і замежных дакументаў, арыентаваных на дзяржаўнае кіраванне і парламентарызм, права, эканоміку, палітыку, навуку;
• прадастаўленне ўсім карыстальнікам раўнапраўнага доступу да рэсурсаў і паслуг бібліятэкі.