Пра сумленнасць і справядлівасць

"У аснове работы ўлады павінна быць справядлівае стаўленне да людзей".

"Самае галоўнае - людзі. Я вас вельмі прашу: працуйце з людзьмі. Так, дысцыпліна. Але ў аснове ўсяго, усёй нашай палітыкі павінна быць справядлівасць. Цяпер попыт на справядлівасць. Ды і ўсе мы хочам, каб свет быў больш справядлівым і стаўленне да нас было больш справядлівым. Гэта галоўнае".

"Справядлівыя базавыя правілы распараджэння зямлёй - гэта фундамент стабільнасці ў грамадстве. Менавіта з-за яе ў свеце пачыналася большасць войнаў і канфліктаў".

"Дэмакратыя - гэта правы і свабоды. У рамках закона. Маеш правы, можаш праявіць сябе - ідзі стварай прадпрыемствы, працуй. Вось і ўся дэмакратыя. Яна павінна быць ад жыцця, ад народа, паколькі гэта ўлада народа".

"Урач і настаўнік - гэта люстэрка любой дзяржавы".

"Не час для далікатнасці, хоць гэта і супярэчыць нашаму нацыянальнаму характару. Каб выжыць, трэба зрываць маскі і называць рэчы сваімі імёнамі. Прыгожае слова "фэйк" - гэта звычайная хлусня, а постпраўда - самая прымітыўная маніпуляцыя свядомасцю чалавека. Але гэтым і іншым тэхналогіям мы, як раней, проціпаставім класічную аб'ектыўную і сумленную журналістыку".

"Стрыжань ідэалогіі беларускай дзяржавы — сацыяльная справядлівасць і патрыятызм. Свабоднае развіццё асобы, яе сацыяльна-палітычная актыўнасць рэалізуюцца толькі ва ўмовах справядлівасці, калі інтарэсы грамадства, калектыву і чалавека максімальна набліжаны, а асноўная задача дзяржавы — развіццё чалавека як самай вялікай каштоўнасці нашага грамадства".

"Галоўнае — гэта справядлівасць. Нельга крыўдзіць людзей. Калі чалавек будзе пакрыўджаны на ўладу і на парадкі ў краіне, ён ніколі не будзе патрыётам. Што яму абараняць, што ён страчвае, калі раптам нешта здарылася? Вось аснова гэтага патрыятызму. Всё ў простым".

"Праводзімая палітыка дае эфект у тым выпадку, калі яна праводзіцца добрасумленным чалавекам з максімальнай увагай да патрэб простых людзей. Недапушчальнымі з'яўляюцца фанабэрыя і валакіта".

"У Беларусі — народная ўлада. Яна жыве рэальнымі клопатамі людзей, а не асабістымі эканамічнымі інтарэсамі і амбіцыямі палітыкаў".

"Не толькі народ павінен ісці да ўлады, а і ўлада павінна ісці, а часам і бегчы да гэтага народа".

"Паводзьце сябе нармальна, не крадзіце ў людзей, не крадзіце ў дзяржавы і, як мяне маці вучыла, "не бяры чужога". Не далі табе — не бяры, і будзе ўсё нармальна, будзеш жыць на свабодзе".

"Я ніколі не дзейнічаў несумленна ў адносінах да нашых людзей! І ніколі на гэта не пайду! Я ведаю, адкуль прыйшоў і як перамог на прэзідэнцкіх выбарах. Я абяцаў і ніколі не парушу сваю клятву, чаго б мне гэта ні каштавала!"

"Я заўсёды гавару: людзі, людзі, людзі. Не для папулізму — мне ён не патрэбны. Мы сапраўды працуем для людзей. Калі мы гаворым, што дзяржава — для народа, трэба рэалізоўваць гэту формулу. Сацыяльная справядлівасць з'яўляецца не толькі залогам даверу насельніцтва да правасуддзя, але і найважнейшым складнікам ідэалогіі беларускай дзяржавы. Запатрабаванне на гэту справядлівасць каласальнае, не толькі ў славянскіх дзяржавах — ва ўсім свеце".

"У нас нармальныя людзі: калі іх папрасіць, яны абавязкова адгукнуцца. Але толькі не трэба падманваць. Калі ты нешта папрасіў і паабяцаў — абавязкова зрабі. Не можаш зрабіць сёння, скажы, што зробіш заўтра. Акуратна працуйце з людзьмі, падтрымлівайце іх. Калі ёсць якая-небудзь несправядлівасць, абавязкова адрэагуйце".